”3 އޮން 3 ފުޓްސަލް ޗެލެންޖް“ ގެ ނަމުގައި އެމް.އެން.ޔޫ.އެސް.ޔޫ އިން ފުޓްސަލް މުބާރާތެއް ބާއްވައިފި

އެމް.އެން.ޔޫ.އެސް.ޔޫ ލީޑަރސް ގްރޫޕަށް އަމާޒުކޮށް 3 އޮން 3 ފުޓްސަލް ޗެލެންޖެއް ބާއްވައިފިއެވެ.

ޑިސެމްބަރ 18 ވަނަ ދުވަހު ހުޅުމާލޭ ރެޑްބުލް ޓާރފް ދަނޑުގައި ކުރިއަށް ގެންދިޔަ މި މުބާރާތުގައި ދެ ޖިންސުގެ 40 އަށް ވުރެ ގިނަ އެމް.އެން.ޔޫ.އެސްޔޫ މެމްބަރުންވަނީ ބައިވެރިވެފައެވެ. މި މުބާރާތުގައި އެމް.އެން.ޔޫ.އެސް.ޔޫގެ ކުރީ ދައުރުތަކުގެ ހިންގާ ކޮމެޓީގެ މެމްބަރުން ވެސް ވަނީ ބައިވެރިވެފައެވެ.

ފޮޓޯ: އެމް.އެން.ޔޫ.އެސް.ޔޫ މީޑިޔާ

މިގޮތުން 4 އަދި 5 ވަނަ ދައުރުގެ ރައީސް އަލްއުސްތާޛް ޢަލީ ރަޝީދު އަހުމަދު،7 ވަނަ ދައުރުގެ ރައީސް އަދި މިހާރުގެ އެޑްވައިޒަރީ ބޯޑް މެމްބަރު މުހައްމަދު ޝާން އާމިރު، 6 އަދި 7 ވަނަ ދައުރުގެ ނައިބު ރައީސް އަމަލީ ހަސަން ޝާހް، 8 ވަނަ ދައުރުގެ ރައީސް އަދި އެޑްވައިޒަރީ ބޯޑުގެ މެމްބަރު ޢަލީ ޝައްމޫން ވަނީ ބައިވެރިވެފައެވެ.

މި މުބާރާތަކީ 2021 ވަނަ އަހަރުގެ ހަރަކާތްތައް ފެށުމުގެ ކުރިން، ލީޑަރުންގެ މެދުގައި ގުޅުން ބަދަހި ކުރުމުގެ ގޮތުން ކުރިއަށް ގެންދިޔަ މުބާރާތެކެވެ.

ފޮޓޯ: އެމް.އެން.ޔޫ.އެސް.ޔޫ މީޑިޔާ

އެމް.އެން.ޔޫ.އެސް.ޔޫ އަކީ ޖަމިއްޔާގެ މެމްބަރުންގެ މެދުގައި އެކުވެރިކަން އާލާކޮށް ގުޅުން ބަދަހި ކުރުމަށް ގިނަ މަސައްކަތްތަކެއް ކުރަމުން އަންނަ ޖަމިއްޔާއެކެވެ. މީގެ ކުރިންވެސް އެމް.އެން.ޔޫ.އެސް.ޔޫއިން ވަނީ އެމް.އެން.ޔޫ.އެސް.ޔޫގެ ލީޑަރުންނަށް އަމާޒުކޮށް ފަން ޓޯނަމެންޓްއެއް 2019 ވަނަ އަހަރު ބާއްވައިފައެވެ.