ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ ގޮފިތަކުގެ ހިންގާކޮމިޓީގެ މަޤާމުތަކަށް ކުރިމަތިލުމަށް ފުރުސަތު ހުޅުވާލައިފިއެވެ.
އެމް.އެން.ޔޫ.އެސް.ޔޫގެ ޖުމްލަ 14 ގޮފި ހިމެނޭއިރު، 10 ގޮތްޕަކީ މާލޭ ކެމްޕަސްގައި ހުންނަ ފެކަލްޓީތަކާއި ސެންޓަރުތަކުގައި ޤާއިމްކޮށްފައިވާ ދަރިވަރުންގެ ޔޫނިއަންގެ ގޮފިތަކެވެ. އަދި ބާކީ 4 ގޮފި ޤާއިމް ކުރެވިފައިވަނީ އެމް.އެން.ޔޫގެ އަތޮޅުތެރޭގެ ކެމްޕަސްތަކުގައެވެ.
ފޮޓޯ: އެމް.އެން.ޔޫ.އެސް.ޔޫ މީޑިއާ
މާލޭ ކެމްޕަސް ގޮފިތައް:
- ފެކަލްޓީ އޮފް ޝަރީޢާ އެންޑް ލޯ – ސޮސައިޓީ އޮފް ޝަރީޢާ އެންޑް ލޯ (އެސް.އެސް.އެލް)
- ފެކަލްޓީ އޮފް އެޑިއުކޭޝަން – ފެކަލްޓީ އޮފް އެޑިއުކޭޝަން ސްޓޫޑެންޓްސް އެސޯސިއޭޝަން (ފެސާ)
- ފެކަލްޓީ އޮފް ހޮސްޕިޓަރލިޓީ އެންޑް ޓުއަރިޒަމް ސްޓަޑީޒް – ސޮސައިޓީ ފޯ ހޮސްޕިޓަރލިޓީ އެންޑް ޓުއަރިޒަމް ސްޓަޑީޒް (ޝެޓްސް)
- ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލަޖީ – އިންޖިނިއަރިންގ، ސައިންސް އެންޑް ޓެކްނޮލަޖީ އެސޯސިއޭޝަން (އެސްޓާ)
- ފެކަލްޓީ އޮފް އާރޓްސް – ސްޓޫޑެންޓްސްް އިނީޝިއޭޓިވް އޮފް އާރޓްސް (ސިއާ)
- ފެކަލްޓީ އޮފް ހެލްތު ސައިންސަސް – ހީލާރސް
- ސްކޫލް އޮފް މެޑިސިން – ކޮންސޯޓިއަމް އޮފް މެޑިކަލް ސްޓޫޑެންޓްސް (މެޑިކޯސް)
- އެމް.އެން.ޔޫ ބިޒްނަސް ސްކޫލް – ބިޒްނަސް ސްކޫލް ސްޓޫޑެންޓްސް އެސޯސިއޭޝަން (ބީ.އެސް.އެސް.އޭ)
- ސްކޫލް އޮފް ނާރސިންގ – ނިއަރެސް
- ސެންޓަރ ފޯ ފައުންޑޭޝަން ސްޓަޑީޒް – ތަރަހަ
އަތޮޅުތެރޭގެ ކެމްޕަސްތަކުގެ ގޮފިތައް:
- ކުޅުދުއްފުށީ ކެމްޕަސް – ގުރުޒު
- ގަން ކެމްޕަސް – އަހުރަ
- ތިނަދޫ ކެމްޕަސް – ނޭކަ
- ހިތަދޫ ކެމްޕަސް – ދޮންދީނި
ގޮފިތަކުގެ ހިންގާ ކޮމިޓީގެ 6 މަޤާމަކަށް ކުރިމަތިލުމަށް ހުޅުވައިލާފައިވާއިރު، އެ ފެކަލްޓީއެއް، ސެންޓަރެއް ނޫނީ ކެމްޕަހެއްގެ ދަރިވަރަކަށް ކުރިމަތިލެވޭނީ އެ ފެކަލްޓީއެއް/ސެންޓަރެއް/ކެމްޕަހެއްގައި ޤާއިމުކުރެވިފައިވާ ގޮފީގެ ހިންގާ ކޮމިޓީއަށެވެ.
ގޮފިތަކުގެ ހިންގާ ކޮމިޓީގެ މަޤާމުތައް:
- ރައީސް
- ނައިބު ރައީސް (ޢިލްމީ)
- ނައިބު ރައީސް (އިތުރު ޙަރަކާތް)
- ޚަޒާންދާރު
- ސެކްރެޓަރީ
- މީޑިއާ ކޯޑިނޭޓަރ
ފޮޓޯ: އެމް.އެން.ޔޫ.އެސް.ޔޫ މީޑިއާ
ގޮފިތަކުގެ ހިންގާ ކޮމިޓީގެ މަޤާމުތަކަށް ކުރިމަތިލާން އެދޭ ފޯމު، އަދި ގޮފިތަކުގެ އުސޫލު އެމް.އެން.ޔޫ.އެސް.ޔޫ ވެބްސައިޓުން ޑައުންލޯޑް ކުރެވޭނެއެވެ. މާލޭ ކެމްޕަހުގެ ދަރިވަރުން ފޯމު ހުށަހަޅާނީ ދަރިވަރުންގެ ޔޫނިއަންގެ އޮފީހަށެވެ. އަދި މެއިލްގެ ޒަރިއްޔާއިން ވެސް ފޯމު ހުށެހެޅޭނެއެވެ. އަތޮޅުތެރޭ ކެމްޕަސްތަކުގެ ދަރިވަރުން ފޯމު ހުށަހަޅާނީ އެ ކެމްޕަހެއްގެ އޮފީހަށެވެ.
ގޮފިތަކުގެ ހިންގާ ކޮމިޓީތަކަށް ކުރިމަތިލުމުގެ ސުންގަޑި އަކީ 2021 ފެބުރުވަރީ 8 ވާ ހޯމަ ދުވަހުގެ މެންދުރުފަހު 14:00 އެވެ.
