ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ ގޮފިތަކުގެ ތެރެއިން، ފެކަލްޓީ އޮފް އާރޓްސްގެ ގޮފި ސިއާ އަދި ފެކަލްޓީ އޮފް އެންޖިނިއަރިންގ ސައިންސްގެ ގޮފި އެސްޓާ ގުޅިގެން ބޭއްވި “ސުވާސްތި“ ނުވަތަ ވެލްކަމް ނައިޓް ވަނީ ވަރަށް ފުރިހަމަ ކަމާއެކު ނިންމާލައިފައެވެ.
ނިމިގެން ދިޔަ ހޮނިހިރު ދުވަހުގެ ރޭ އެމް.އެން.ޔޫ ބިޒްނަސް ސްކޫލްގެ އޮޑިޓޯރިއަމްގައި ބޭއްވި ސުވާސްތީގެ ބޭނުމަކީ މި އަހަރު އަލަށް ދެ ފެކަލްޓީއާއި ގުޅުނު ދަރިވަރުންނަށް މަރުޙަބާ ކިޔުމެވެ.
މި ހަފްލާގައި ދެ ގޮފީގެ ހިންގާ ކޮމެޓީގެ މެމްބަރުން ތަޢާރަފްވުމާއެކު އެކިއެކި މަޖާ ހަރަކާތްތަކެއް ވަނީ ކުރިޔަށް ގެންގޮސްފައެވެ. ހަފްލާ ނިންމާލައިފައިވަނީ އަލަށް ގުޅުނު ދަރިވަރުންގެ ތެރެއިން ލަކީ ޑްރޯއިން ހޮވުނު ދަރިވަރުންނަށް، ގޮފިތަކުގެ ހިންގާ ކޮމެޓީގެ މެންބަރުންގެ ފަރާތުން ވައުޗަރުތަކާއި އަދި ހަދިޔާ ހަވާލުކުރުމަށްފަހުއެވެ.
ސިއާ އާއި އެސްޓާއިން މި އަހަރު އެތަށް ހަރަކާތްތަކެއް ބޭއްވުމަށް ވަނީ ހަމަޖެހިފައެވެ. މި ހަރަކާތްތަކުގައި ދަރިވަރުންގެ ފުރިހަމަ އެއްބާރުލުން ލިބޭނެކަމަށް ދެ ގޮފިންވެސް އުއްމީދުކުރެއެވެ.
