100 އެތައް ދަރިވަރުންނަކާއެކު އެމްއެންޔޫއެސްޔޫ- އެސްއެސްއެލް 11 ވަނަ ޤުރުއާން މުބާރާތް ފަށައިފިއެވެ.
20 މާރިޗް ވީ ބުދަ ދުވަހުގެ ރޭ މި މުބާރާތް ފަށާފައިވަނީ ހިތުން ކިޔެވުމުގެ ބައިންނެވެ. ފުރަތަމަ ދަންފަޅީގައި ޖުމްލަ 21 ދަރިވަރަކު ވަނީ ކިޔަވާފައެވެ.
ދިވެހިރާއްޖޭގެ ޤައުމީ ޔުނިވަރސިޓީގެ އެކި ފެކަލްޓީތަކުގެ ދަރިވަރުންނާއި އެހެނިހެން ކޮލެޖް ޔުނިވަރސިޓީތަކަށް ހުޅުވާލައިގެން ކުރިއަށްދާ، މި މުބާރާތް އޮންނާނީ މި މަހުގެ 20-23 އަށެވެ.
މި މުބާރާތުގެ ދަންފަޅިތައް ބެހިފައިވާ ގޮތުން ބުދަ،ބުރާސްފަތި، ހުކުރު އަދި ހޮނިހިރު ދުވަހުގެ ރޭ ކިޔެވުން އޮންނާނެއެވެ. އަދި ހޮނިހިރު ދުވަހުގެ މެންދުރުފަހުވެސް ދަންފަޅިއެއް އޮންނާނެއެވެ. ބަލައިގެން ކިޔެވުމުގެ ބައިން 105 ދަރިވަރުން ބައިވެރިވެފައިވާއިރު ހިތުން ކިޔެވުމުގެ ބައިން 11 ދަރިވަރަކު ވަނީ މި މުބާރާތުގައި ބައިވެރިވެފައެވެ.
މި މުބާރާތުގައި ބަލައިގެން ކިޔެވުމާއި ހިތުން ކިޔެވުމުގެ ގޮފިން އެންމެ މޮޅު 1ވަނަ، 2ވަނަ އަދި 3ވަނަ ބައިވެރިޔާ ހޮވުމަށްވަނީ ހަމަޖެހިފައެވެ. އަދި އެންމެ މޮޅު 1ވަނަ، 2ވަނަ އަދި 3ވަނަ ފެކަލްޓީ/ކޮލެޖް/ޔުނިވަރސިޓީ ހޮވުމަށްވެސް ވަނީ ހަމަޖެހިފައެވެ.
މި މުބާރާތުގެ އެކްސްކުލޫސިވް ސްޕޮންސާ އަކީ އިސްލާމީ ކަންތައްތަކާ ބެހޭ ވުޒާރާއެވެ.
މި މުބާރާތް ކުރިއަށްދާނީ އެމްއެންޔޫ ސެންޓްރަލްގެ ސީއޭ އަދި އެފްއީ އޮޑިޓޯރިއަމްގައެވެ.
