ދިރާގު އެމް.އެން.ޔޫ.އެސް.ޔޫ ފުޓްސަލް ފިއެސްޓާ 2025 ގެ އަންހެން ޑިވިޝަނުގައި ބުދަދުވަހު ކުޅުނު ގްރޫޕް އޭގެ މެޗުތަކުގެ ތެރެއިން އެމް.އެން.ޔޫ ބިޒްނަސް ސްކޫލް (އެމް.އެން.ޔޫ.ބީ.އެސް) އާއި އެމް.އައި ކޮލެޖު ކުޅުނު މެޗު އެއްވަރުވިއިރު، ފެކަލްޓީ އޮފް ޝަރީޢާ އެންޑް ލޯ (އެފް.އެސް.އެލް)ގެ މައްޗަށް ފެކަލްޓީ އޮފް އާރޓްސް (އެފް.އޭ) އިން ކުރިހޯދައިފިއެވެ.
ގްރައުންޑް 1 ގައި ކުޅުނު އެމް.އެން.ޔޫ.ބީ.އެސް އާއި އެމް.އައި ކޮލެޖުގެ މެޗު އެއްވަރުވީ 2 – 2 ގެ ނަތީޖާއަކުންނެވެ. މި މެޗުގައި އެމް.އެން.ޔޫ.ބީ.އެސްގެ ގޯލުތައް ކާމިޔާބުކޮށްދިނީ އެ ޓީމުގެ ޖަރޒީ ނަންބަރު 21 ފާޠިމަތު ހިސްބާ ހަސަން އަދި ޖަރޒީ ނަންބަރު 10 ޢާޢިޝަތު ނަޝްމާ އަޙްމަދެވެ. އަދި އެމް.އައި ކޮލެޖުގެ ގޯލުތައް ކާމިޔާބު ކުރީ އެ ޓީމުގެ ޖަރޒީ ނަންބަރު 15 އާމިނަތު އަމީޝާ އަދި މެޗުގެ މޮޅު ކުޅުންތެރިޔަކަށް ހޮވުނު އެ ޓީމުގެ ފާޠިމަތު ނައުޝަން ނިޔާޒް (ޖަރޒީ ނަންބަރ 16) އެވެ.
ގްރައުންޑް 2 ގައި ކުޅުނު މެޗު އެފް.އޭ އިން ކާމިޔާބު ކުރީ 6 – 1ގެ ނަތީޖާއަކުންނެވެ. މި މެޗުގައި އެފް.އޭގެ ޖަރޒީ ނަންބަރު 3 ޔުސްރާ ޔޫސުފް ވަނީ ހަތަރު ގޯލު ޖަހާފައެވެ. އެފް.އޭގެ އަނެއް ދެ ގޯލު ޖެހީ އެ ޓީމުގެ ޖަރޒީ ނަންބަރު 8 ހައްވާ ހަމްނާ މުޙައްމަދު އަދި ޖަރޒީ ނަންބަރު 4 ފާޠިމަތު މަލްސާ އެވެ. އެފް.އެސް.އެލްގެ ހަމައެކަނި ގޯލު ޖެހީ އެ ޓީމުގެ ޖަރޒީ ނަންބަރު 2 މާނިއާ ޢަލީ ރަޝީދެވެ. މެޗުގެ މޮޅު ކުޅުންތެރިޔަކަށް ހޮވުނީ އެފް.އޭގެ ޔުސްރާ އެވެ.
މި ނަތީޖާތަކާއެކު މި ގްރޫޕްގެ ތާވަލުގެ އެއްވަނައިގައި ހަތަރު ޕޮއިންޓާއެކު އޮތީ އެފް.އޭ އެވެ. ހަމަ މިއަދަދަށް ޕޮއިންޓު ހޯދައިގެން ތާވަލުގެ ދެވަނައިގައި އޮތީ އެމް.އެން.ޔޫ.ބީ.އެސް ކަމަށްވާއިރު ދެ ޕޮއިންޓާއެކު ތިންވަނައިގައި އޮތީ އެމް.އައި ކޮލެޖެވެ. ފުލުގައި އޮތް އެފް.އެސް.އެލް އަށް އަދި ޕޮއިންޓެއް ނުލިބެއެވެ.
މި މަހުގެ 15 އިން 30ގެ ނިޔަލަށް ކުރިއަށްގެންދިޔުމަށްހަމަޖެހިފައިވާ މި މުބާރާތުގައި ޖުމުލަ 27 ޓީމު ވަނީ ބައިވެރިވެފައެވެ. މި މުބާރާތުގެ ހުރިހާ މެޗެއްވެސް ކުޅުމަށް ހަމަޖެހިފައިވަނީ ހުޅުމާލެ ރެހެންދި ދަނޑުގައެވެ.
މިއަހަރުގެ މުބާރާތުގެ ޓައިޓްލް ސްޕޮންސަރަކީ ދިރާގެވެ. ކޯ-ސްޕޮންސަރަކީ ލިއެން ޝުއޭ ޝިން ނޫޑްލް ރެސްޓޯރެންޓެވެ. މުބާރާތުގެ ބޭންކިން ޕާޓްނަރަކީ ބޭންކް އޮފް މޯލްޑިވްސް (ބީ.އެމް.އެލް) އެވެ. މުބާރާތުގެ ކިޓް ޕާޓްނަރަކީ މެނީ މޯލްޑިވްސް އެވެ. އަދި މީޑިއާ ޕާޓްނަރަކީ ވޮއިސް ސްޕޯޓްސް އެވެ. މުބާރާތުގެ ސްޕޮންސަރުންގެ ތެރޭގައި ކުޅިވަރާއި ހަށިހެޔޮކަމާ ބެހޭ ވުޒާރާ އާއި ސްޓޭޓް ޓްރޭޑިން އޯގަނައިޒޭޝަން (އެސް.ޓީ.އޯ) އަދި އެލައިޑް އިންޝުއަރެންސް ހިމެނޭއިރު، މުބާރާތުގެ ޕާޓްނަރުންގެ ތެރޭގައި ގޯލްޑަން ފުޓްސަލް އެސޯސިއޭޝަން، ޔުނިވިޔަ، މާލެ ސިޓީ ކައުންސިލް އަދި އޮބިއޮން ހިމެނެއެވެ.
