އެމް.އެން.ޔޫ.އެސް.ޔޫ-ފެސާ އިޝާރާތް މުބާރާތުގެ ފަޚުރުވެރި އެއްވަނަ ބީ.އެސް.އެސް.އޭ އިން ހޯދައިފިއެވެ.
މި މުބާރާތަކީ ފެސާއިން 2021 ވަނަ އަހަރުން ފެށިގެން ކޮންމެ އަހަރަކު ސިލްސިލާކޮށް ބާއްވާ މުބާރާތެކެވެ.
މި މުބާރާތް ކުރިއަށް ގެންގޮސްފައި ވަނީ 23 ސެޕްޓެމްބަރު ވީ އަންގާރަ ދުވަހުގެ ރޭ އެފް.އީ އޮޑިޓޯރިއަމްގައެވެ. މި މުބާރާތް ކުރިއަށް ގެނޮގޮސްފައި ވަނީ ޓީމެއްގައި 5 ދަރިވަރުން ހިމެނޭ ގޮތަށް، ޖުމްލަ ހަތަރު ބުރަށް ބަހާލައިގެންނެވެ. އިޝާރާތުން ދައްކަން ޖެހޭ ބަސްތަކުގެ ތެރޭގައި އަދަބީ ބަސްތަކާއި، ހިފާ ގެންގުޅޭ ސާމާނާއި، އޮޑި ދޯނި ފަހަރުގެ ބައިތަކުގެ އިތުރުން ރާއްޖޭގައި ހެދޭ ގަސްތަކާއި، ބޭސްވެރިކަމަށް ގެންގުޅޭ ތަކެތީގެ ނަމުގެ ބަސްތައް ހިމެނެއެވެ.
މުބާރާތުގެ ފައިނަލް ބުރުގައި ބައްދަލު ކުރީ އެންމެ މަތިން މާކްސް ލިބުނު ދެ ޓީމު ކަމަށްވާ ބީއެސް.އެސް.އޭގެ ޓީމާއި ނިއަރެސްގެ ޓީމެވެ.
ވާދަވެރި މުބާރާތަކަށް ފަހު، މުބާރާތް ކާމިޔާބުކުރީ ބީ.އެސް.އެސް.އޭ އިންނެވެއެވެ.
މުބާރާތުގައި ފަނޑިޔާރުކަން ކުރައްވާފައިވަނީ އެމް.އެން.ޔޫ ގެ ލެކްޗަރާއިން ކަމައްވާ މުހައްމަދު އިފްރީން، އައިޝަތު ސުއާދު އަދި ފެސާގެ ރައީސް ކަމާއި، އެމް.އެން.ޔޫ.އެސް.ޔޫ ގެ ނައިބު ރައީސްކަން ކުރައްވާފައިވާ ނާބިތް އަހުމަދެވެ.
މި މުބާރާތުގެ ނިންމުމުގެ ރަސްމިއްޔާތުގައި ފެސާގެ ރައިސާ އަޢިޝަތު މަޢީޝާ ޙާތިމް ވަނީ މިމުބާރާތުގެ ހުރިހާ ބައިވެރިންނާއި، ޖުމުލަ ގޮތެއްގައި މުބާރާތް އިންތިޒާމުކުރުމުގައި އެހީތެރިވެދެއްވި ހުރިހާ ބޭފުޅުންނަށް އަދާކޮށްފައެވެ.
މުބާރާތުގެ ޗެމްޕިއަން އަދި ރަނަރރަޕް ޓީމަށް ހަނދާނީ ލިޔުމާއި ޓްރޮފީ ހަވާލު ކޮށްދެއްވީ އިފްރީން ސަރ އެވެ. މުޅި އެމް.އެން.ޔޫ ގެ ހުރިހާ ފެކަލްޓީތަކަށް ހުޅުވާލައިގެން ކުރިއަށް ގެންދިޔަ މި މުބާރާތުގައި ޖުމްލަ 6 ފެކަލްޓީއަކުން ވަނީ ބައިވެރިވެފައެވެ.
