ދިވެހިރާއްޖޭގެ ގައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) ގެ 14 ވަނަ ދައުރުގެ ހިންގާ ކޮމެޓީ ގައުމީ ޔުނިވަރސިޓީގެ ވައިސް ޗާންސެލަރ ޑރ. އައިޝަތު ޝެހެނާޒް އާދަމް އިފްތިތާހުކޮށްދެއްވައިފި އެވެ.
ޑިސެމްބަރު 4 ވީ ބުރާސްފަތި ދުވަހުގެރޭ ކުރިއަށްދިޔަ އެމް.އެން.ޔޫ.އެސް.ޔޫ އަހަރީ އާންމު ޖަލްސާގައި ވައިސް ޗާންސެލަރގެ ޝެހެނާޒްގެ އިތުރުން، ޑެޕިއުޓީ ވައިސް ޗާންސެލަރ ޑރ. އަލީ ފަވާޒް ޝަރީފްގެ އިތުރުން ފެކަލްޓީތަކުގެ ޑީނުން، އެމް.އެން.ޔޫ.އެސް.ޔޫގެ ކުރީގެ ރައީސުން އަދި ކުރީގެ ހިންގާ ކޮމެޓީ ތަކުގެ މެމްބަރުގެ އިތުރުން ޔޫނިއަންގެ އިސްވާރުން ވަނީ ބައިވެރިވެފަ އެވެ.
އެމް.އެން.ޔޫ.އެސް.ޔޫ 14 ވަނަ ދައުރުގެ ހިންގާ ކޮމެޓީ:
ރައީސް: މުހައްމަދު އަޔާޝް އަލީ
ނައިބު ރައީސް (އިލްމީ): އައިމިނަތު އާޔާ އިގްބާލް
ނައިބު ރައީސް (އިތުރު ހަރަކާތް): އަހުމަދު ސަމީހް
ނައިބު ރައީސް (ގޮފިތައް): މުހައްމަދު ހިޒްޔަމް ހާމިދު
ހަޒާންދާރު: ފާތިމަތު ޖޫލިއާ
ސެކެޓްރީ: އަބްދުﷲ ދިނާހް އަހުމަދު
އެސިސްޓެންޓް ސެކެޓްރީ: އައިޝަތު ޝަދުން ޝަކީލް
މީޑިއާ ކޯޑިނޭޓަރ: ޒާން މުޙައްމަދު ޒުލާލު
މި ރަސްމިއްޔާތުގައި ވަނީ ހިންގާ ކޮމެޓީ އިންތިހާބު ކުރުމުގެ އިތުރުން ޔޫނިއަންގެ ގަވައިދަށް ދެ ބަދަލެއް ގެނައުމަށް ޔޫނިއަން މެމްބަރުގެ ވޯޓާއެކު ފާސްކޮށްފަ އެވެ.
ޔޫނިއަންގެ ގަވައިދަށް ގެނެވުނު ދެ ބަދަލު:
އަހަރަކު މަދުވެގެން 1 އާއްމު ޖަލްސާ ބާއްވަންޖެހޭގޮތައް ބަދަލުކުރުމާއެކު، އަހަރީ އާންމު ޖަލްސާ ބޭއްވޭނީ، ގޮފިތަކުގެ ހިންގާ ކޮމިޓީ އިފްތިތާޙުކުރާ ޖަލްސާއަށް ނުވަތަ ދަރިވަރުންގެ ޔޫނިއަންގެ ހިންގާ ކޮމިޓީ އިފްތިތާޙުކުރާ ޖަލްސާކަމުގައި ނިންމުމެވެ.
މީގެ އިތުރުން ޔޫޏިއަންގެ އަސާސީ ގަވައިދުގެ 12 ވަނަ މާއްދާ އަށް ބަދަލު ގެނަސް 12.4 އ، އިތުރުކޮށް ރީޖަނަލް ކޯޑިނޭޓަރުގެ މަސައްކަތް ވިލަރެސްކުރުން ހިމަނައި، 12.5 ގައި ހިމެނޭ ”ސެކެޓްރީގެ ނަން ”ޖެނެރަލް ސެކެޓްރީ“ އަށް ބަދަލުކޮށް އެ މާއްދާއަށް ”ތ“ އަދި ”ލ“ އިތުރުކޮށް، އެ ދެ އަކުރުގައި “ މި ޔޫނިއަންގެ އިދާރީ ހިންގުމުގެ އެންމެ އިސް ޒިންމާ ޔޫނިއަންގެ ރައީސް އަދި ހިންގާ ކޮމިޓީގެ ލަފާގެ މަތިން އަދާކުރުން“ އަދި ”ޔޫނިއަން ހިންގުމަށް ދުވަހުން ދުވަހަށް ކުރަންޖެހޭ އެންމެހައި މަސައްކަތްތައް ޔޫނިއަންގެ ރައީސް އަދި ހިންގާ ކޮމިޓީގެ ލަފާގެ މަތިން އަދާކުރުން“ މި މާއްދާތައް ހިމަނައި، ޤަވާއިދުގައި ”ސެކްރެޓަރީ“ ހިމެނޭ ކޮންމެ ނުކުތާއެއް ”ސެކްރެޓަރީ ޖެނެރަލް“އަށް ބަދަލުކުރުމާއި، 12.6ގައި ހިމެނޭ އެސިސްޓެންޓް ސެކްރެޓަރީގެ މަޤާމުގެ ނަން ”ރީޖިނަލް ކޯޑިނޭޓަރ“ މި ނަމަށް ބަދަލުކޮށް، އެ މަޤާމުގެ މަސްޢޫލިއްޔަތުތަކުގެ ތެރޭގައި ކްލަބުތަކާއި އަތޮޅުތެރޭ ކެމްޕަސްތަކާއި އައުޓްރީޗް ސެންޓަރުތަކުގައި ގާއިމުކުރެވިފައިވާ ގޮފިތަކުގެ ކަންތައްތައް ވިލަރެސްކުރުމަށް ބަދަލުކުރުން. އިތުރު މަސްޢޫލިއްޔަތުތައް ދަރިވަރުންގެ ޔޫނިއަންގެ ހިންގާ ކޮމިޓީއިން ފާސްކުރުމަށް ނިންމުން ހިމެނެ އެވެ.
