އެމް.އެން.ޔޫ.އެސް.ޔޫ ޕްރެޒެންޓްސް ދަ ނެކްސްޓް ލެވެލް 2025ގެ އެންމެ މޮޅު ފެކަލްޓީއަކަށް އެމް.އެން.ޔޫ ބިޒްނަސް ސްކޫލް ހޮވިއްޖެއެވެ.
ދަ ނެކްސްޓް ލެވެލްގެ ވަނަވަނައަށް ހޮވުނު ފަރާތްތަކަށް އިނާމު ދީފައިވަނީ ދަރިވަރުންގެ ޔޫނިއަންގެ 14 ވަނަ ދައުރުގެ ހިންގާ ކޮމިޓީ އިފްތިތާހުކުރުމާއި އެވޯޑުދިނުން ކުރިއަށްދިޔަ މިއަހަރުގެ ދެވަނަ އެނުއަލް ޖެނެރަލް މީޓިންގައެވެ. މި ބައްދަލުވުން އޮތީ ޑިސެންބަރު 4 ވީ ބުރާސްފަތިދުވަހުގެރޭ އެމް.އެން.ޔޫ ސެންޓްރަލް އޮޑިޓޯރިއަމްގައެވެ.
ދަ ނެކްސްޓް ލެވެލްގެ ދެވަނަ އަށް އެންމެ މޮޅު ފެކަލްޓީ އަކީ ފެކަލްޓީ އޮފް އެޑިއުކޭޝަންކަމަށްވާއިރު، ތިންވަނަ އަށް އެންމެ މޮޅު ފެކަލްޓީ އަކީ ފެކަލްޓީ އޮފް ޝަރީޢާ އެންޑް ލޯ އެވެ. މީގެ އިތުރުން ވަކިވަކި އައިޓަމްތަކުން އެއްވަނައަށް ހޮވިފައިވަނީ އެމް.އެން.ޔޫ ބިޒްނަސް ސްކޫލްގެ ޑްރާމާ ”ނުރުހުން ނުވާށޭ ކަލާ“ އެވެ. އަދި ދެވަނަ އަށް ހޮވިފައިވަނީ ފެކަލްޓީ އޮފް އެޑިއުކޭޝަންގެ ޑްރާމާ ”ނާދިޔާ“ ކަމަށްވާއިރު، ތިންވަނަ އަށް ހޮވިފައިވަނީ ފެކަލްޓީ އޮފް އިންޖިނިއަރިންގ، ސައިންސް، އެންޑް ޓެކްނޮލޮޖީގެ ޑާންސް ”ދަ އިންޓަނޭޝަނަލް ބޯއީޒް“ އެވެ. މީގެ އިތުރުން ހަތަރުވަނަ އަށް ހޮވިފައިވަނީ އެމް.އެން.ޔޫ ބިޒްނަސް ސްކޫލްގެ ޑާންސް ”އޯލް އޮފް އަޒް“ އެވެ. އަދި ފަސްވަނަ އަކީ ފެކަލްޓީ އޮފް އެޑިއުކޭޝަންގެ ޑާންސް ”ދަ ކްލިކް“ އެވެ.
އެމް.އެން.ޔޫ.އެސް.ޔޫ ޕްރެޒެންޓްސް ދަ ނެކްސްޓް ލެވެލް އަކީ 2019 ވަނަ އަހަރު ތަޢާރަފުކުރެވުނު ހަރަކާތެކެވެ. މި ހަރަކާތުގެ މަގްސަދަކީ އެމް.އެން.ޔޫގައި ކިޔަވާ ދަރިވަރުންގެ ހުނަރު ދައްކުވައިދިނުމަށް މަންސައެއް ފޯރުކޮށްދިނުމެވެ.
