ދިރާގު އެމް.އެން.ޔޫ.އެސް.ޔޫ ފުޓްސަލް ފިއެސްޓާ 2026 ގެ ކުއާޓާ ފައިނަލުގައި އެމް.އެން.ޔޫ ބިޒްނަސް ސްކޫލް (އެމް.އެން.ޔޫ.ބީ.އެސް) ގެ ދެޓީމުވެސް ބަލިކޮށް، މޯލްޑިވްސް ބިޒްނަސް ސްކޫލް (އެމް.ބީ.އެސް) ގެ ދެޓީމުން މުބާރާތުގެ ސެމީ ފައިނަލުގެ ޖާގަތައް ކަށަވަރު ކޮށްފިއެވެ.
މުބާރާތުގެ ކުއާޓާ ފައިނަލް މެޗުތައް ހޯމަ ދުވަހުގެރޭ ކުޅެފައިވާރިއު، އަންހެން ޑިވިޝަނުގެ ފުރަތަމަ ކުއާޓާ ފައިނަލުގައި ވާދަކުރީ އެމް.ބީ.އެސް އަދި އެމް.އެމް.ޔޫ.ބީ.އެސްއެވެ. މި މެޗު އެމް.ބީ.އެސް އިން ކާމިޔާބު ކުރީ 5-1 ގެ ނަތީޖާއަކުންނެވެ. މެޗުގެ މޮޅު ކުޅުންތެރިޔަކަށް ހޮވުނީ އެމް.ބީ.އެސްގެ ޖާޒީ ނަންބަރު 17، މަރިޔަމް މަލާކް ޝަކީބެވެ.
ފިރިހެން ޑިވިޝަންގެ ކުއާޓާ ފައިނަލުގައި އެމް.ބީ.އެސްއިން އެމް.އެން.ޔޫ.ބީ.އެސްގެ މައްޗަށް ކުރިހޯދީ 2-0 ންނެވެ. މި މެޗުގެ މޮޅު ކުޅުންތެރިއަކީ އެމް.ބީ.އެސްގެ ގޯލް ކީޕަރު ހުސައިން ސަބީލެވެ.
މިދިޔަ އަހަރުގެ ކުއާޓާ ފައިނަލްގެ ދެޑިވިޝަންގައިވެސް މި ދެޓީމު ބައްދަލުކުރިއެވެ. އެފަހަރުވެސް އެމް.ބީ.އެސްއިން ވަނީ ދެ ކުއާޓާ ފައިނަލްވެސް ކާމިޔާބު ކޮށްފައެވެ.
ކުއާޓާ ފައިނަލް މެޗުތަކުގެ ނަތީޖާ (އަންހެން ޑިވިޝަން):
• އެމް.ބީ.އެސް 5 – 1 އެމް.އެން.ޔޫ.ބީ.އެސް (ޕްލޭޔަރ އޮފް ދަ މެޗް: މަރިޔަމް މަލާކް ޝަކީބް)
• ވިލާ ކޮލެޖް 7 – 1 އެފް.އެޗް.ޓީ.އެސް (ޕްލޭޔަރ އޮފް ދަ މެޗް: މަރިޔަމް މަލްސާ ޝަމީމް)
• އެފް.އެޗް.އެސް 3 – 1 އެފް.އެސް.އެލް (ޕްލޭޔަރ އޮފް ދަ މެޗް: އާމިނަތު ޝަފާނާ)
• މިއާންޒް ކޮލެޖް 1 – 0 ސީ.އެފް.އެސް (ޕްލޭޔަރ އޮފް ދަ މެޗް: އައިޝަތު ޝަހާ ޝަރީފް)
ކުއާޓާ ފައިނަލް މެޗުތަކުގެ ނަތީޖާ (ފިރިހެން ޑިވިޝަން):
• އެމް.ބީ.އެސް 2 – 0 އެމް.އެން.ޔޫ.ބީ.އެސް (ޕްލޭޔަރ އޮފް ދަ މެޗް: ހުސައިން ސަބީލް)
• ސީ.އެފް.އެސް 2 – 0 އަހްމަދިއްޔާ (ޕްލޭޔަރ އޮފް ދަ މެޗް: އަހްމަދު ސާއިން ސިއްދީޤް)
• މިއާންޒް ކޮލެޖް 6 – 7 އެފް.އީ (ޕްލޭޔަރ އޮފް ދަ މެޗް: މުޙައްމަދު އުލްވާން)
• މެޕްސް ކޮލެޖް 6 – 5 ޒިކުރާ ކޮލެޖް (ޕްލޭޔަރ އޮފް ދަ މެޗް: ސައިފް އަލީ)
މުބާރާތުގެ ސެމީ ފައިނަލްގެ މެޗުތައް ކުރިއަށް ގެންދިއުމަށް ހަމަޖެހިފައިވަނީ ބުދަ ދުވަހުގެ ރޭގައެވެ.
މިފަހަރުގެ މުބާރާތުގެ ޓައިޓަލް ސްޕޮންސަރަކީ ދިރާގެވެ. ބޭންކިންގ ޕާޓްނަރަކީ ބޭންކް އޮފް މޯލްޑިވްސްއެވެ. އަދި ލޮޖިސްޓިކްސް ޕާޓްނަރުގެ ގޮތުގައި ރޯޑް ޑިވެލޮޕްމެންޓް ކޯޕަރޭޝަން ހަރަކާތްތެރިވާއިރު, ޕްރިންޓިންގ އެންޑް ކިޓް ޕާޓްނަރަކީ ށަވިޔަންޏެވެ. މީޑިއާ ޕާޓްނަރެއްގެ ގޮތުގައި ވޮއިސް ސްޕޯޓްސް ހަމަޖައްސާފައިވާއިރު, ބެވެރޭޖް ޕާޓްނަރެއްގެ ގޮތުގައި ހަރަކާތްތެރިވަނީ އައިލެންޑް ބެވެރޭޖަސް މޯލްޑިވްސް (ތާޒާ) އެވެ. ސްޕޯޓިންގ ޕާޓްނަރެއްގެ ގޮތުގައި މާކުއީ ހަމަޖައްސާފައިވާ އިރު, ކޭޓަރިންގ ޕާޓްނަރަކީ ލެސޫކްއެވެ. ސާވިސެސް ޕާޓްނަރަކީ ޓާސްކިން އެޕްއެވެ. މުބާރާތުގެ ލައިވް ސްޓްރީމް ޕާޓްނަރަކީ ޖީ ލައިވްއެވެ.
މުބާރާތުގެ ޕާޓްނަރުންގެ ތެރޭގައި ދެން ހިމެނެނީ ތޫލް, މިނިސްޓްރީ އޮފް ޔޫތު އެމްޕަވަރމެންޓް, ސްޕޯޓްސް އެންޑް ފިޓްނަސް, މާލެ ސިޓީ ކައުންސިލް އަދި ގޯލްޑަން ފުޓްސަލް އެސޯސިއޭޝަންގެ އިތުރުން އީޒެޕް އާއި ކުއިކް އީޒީއެވެ.
