ދުނިޔޭގެ އޯޒޯން ދުވަސް ފާހަގަކުރުމުގެ ގޮތުން، ދޮންދީނި އިސްވާރުން އިސްނަގައިގެން ތިމާވެށި ރައްކާތެރިކުރުމުގެ މުހިންމު ހަރަކާތެއް މިއަދު ބާއްވައިފިއެވެ
ދޮންދީނި ގޮފިން މިއަދު ކުރިއަށް ގެންދިޔަ މި ހަރަކާތަކީ
އަތިރިމަތި ސާފުކުރުމުގެ ޚާއްޞަ އިވެންޓެކެވެ. މި އިވެންޓުގެ މައިގަނޑު ބޭނުމަކީ
އޯޒޯން ފަށަލަ ހިމާޔަތްކުރުމަށް ބާރުއެޅުމާއި، ތިމާވެށި ސާފުތާހިރުކޮށް
ބެލެހެއްޓުމަށް އާންމުން ހޭލުންތެރިކުރުވުމެވެ.
މިއަދު ހެނދުނު ބޭއްވުނުބީޗް ސާފުކުރުމުގެ ހަރަކާތުގައި ދޮންދީނި ގޮފިން ގިނަ އަދަދެއްގެ ދަރިވަރުން ވަނީ ބައިވެރި ވެފައެވެ. މި ހަރަކާތުގެ ތެރެއިން ގޮނޑުދޮށަށް އުކާލެވިފައި ހުރި ގިނަ އަދަދެއްގެ ޕްލާސްޓިކާއި އެކި ކުނި ވަނީ އެއްކޮށް، ނައްތާލުމަށްޓަކައި ކަމާބެހޭ އިދާރާތަކާ ހަވާލުކޮށްފައެވެ.
މިފަދަ ހަރަކާތްތަކަކީ ރާއްޖޭގެ ނާޒުކު ތިމާވެށި ހިމާޔަތްކުރުމަށާއި، ދުނިޔ ހޫނުވުމަށް މެދުވެރިވާ ކަންކަމުން ރައްކާތެރިވުމަށް އެޅޭ މުހިންމު ފިޔަވަޅެކެވެ. މިއަދުގެ އިވެންޓް ނިންމާލާފައިވަނީ ކުރިއަށް އޮތް ތަނުގައިވެސް ތިމާވެށި ހިމާޔަތްކުރުމަށް މިފަދަ ގިނަ ހަރަކާތްތަކެއް ހިންގުމަށް އަޒުމް ކަނޑައަޅަމުންނެވެ.
