ބޭނުންވާނެ ތަކެތި
1/4 ޖޯޑު މާމުއި (ކުޑަކޮށް ހޫނުކޮށްފައި)
1/4 ޖޯޑު ބަޓަރ (ދިޔާކޮށްފައި)
1 ސައިސަމުސާ ވެނީލާ އެސެންސް
2 ޖޯޑު އޯޓްސް
1 ޖޯޑު ބަދަން (ތަފާތު ވައްތަރުގެ ބަދަން އެއްކޮށްގެން ވެސް ޖޯޑެއް ހަމަކުރެވިދާނެ)
1/2 ޖޯޑު ކާށި ހުނި
2 ތަށި ޕްލެއިން ޔޯގަޓް (ބޭނުންވާނަމަ ފްލޭވަރޑް ޔޯގަޓްވެސް ބޭނުންކުރެވިދާނެ)
1 އަނބު (ކޮށާފައި)
2 ކިވީ (ކޮށާފައި)
މޭބިސްކަދުރު
ގްރެނޯލަރ މިކްސް ތައްޔާރުކުރާނެ ގޮތް
އެންމެ ފުރަތަމަ، ކުދިކޮށް ކޮށުމަށް ފަހު ބަދަންތައް ތައްޓަކަށް އަޅުއްވާ. ދެން އޯޓްސް ކޮޅު ކުޑަކޮށް ފުނޑުކޮއްލުމަށްފަހު ބަދަންތަކުގެ ތެރެއަށް އަޅުއްވާ. އެއަށްފަހު ކާށި ހުނި ކޮޅާއެކު ރަނގަޅަށް އެއްކޮށްލައްވާ. އޭރަށް އެ ތައްޔާރުކޮކުރެވުނީ ގްރެނޯލާ މިކްސް.
ނޯޓް: ބޭނުންފުޅުވާނަމަ ގްރެނޯލަރ މިކްސް ޕެކެޓް ވެސް ބޭނުން ކުރެވިދާނެ.
ޓާޓް ޝެލް ތައްޔާރުކުރާނެ ގޮތް
ފުރަތަމަ ބަޓަރ، މާމުއި އަދި ވެނީލާ އެސެންސް ތައްޓަކަށް އެޅުމަށްފަހު ރަނގަޅަށް އެއްކޮށްލައްވާ. އެއަށްފަހު ގްރެނޯލަރ މިކްސް އަޅުއްވާ ރަނގަޅަށް އެއްކޮށްލައްވާ. ދެން ޓާޓް ޓްރޭއަކަށް އެޅުއްވުމަށްފަހު މޯލްޑް ކޮށްލައްވާ. ޓާޓް ޝެލް 190 ޑިގްރީ ސެލްސިއަސްގައި އަވަނުގައި 15 ނުވަތަ 20 މިނިޓް ވަންދެން ފިހެލާ. ޓާޓް ޝެލް އަވަނުން ނެގުމަށްފަހު ހިހޫވުމުން ޓްރޭއިން ނައްޓާލައްވާ. އެއަށްފަހު ޕްލެއިން ޔޯގަޓް ލޭޔާއެއް ޝެލްއަށް އެޅުމަށްފަހު ކޮށާފައިހުރި މޭވާތައް މަތީގައި އަތުރާލައްވާ.
