ބީ.އެސް.އެސް.އޭއިން ބާއްވަމުން އަންނަ ބީ.އެސް.އެސް.އޭ ފުޓްސަލް ޓޯނަމެންޓް ނޮވެންބަރު 12 ވީ ހުކުރު ދުވަހުގެ ހެނދުނު ފެށުމަށް ހަމަޖެހިއްޖެއެވެ.
މިއަހަރުގެ މުބާރާތް ކުރިޔަށް ދަނީ 12 އަދި 13 ނޮވެންބަރު 2021 ވީ، ހުކުރު އަދި ހޮނިހިރު ދުވަހުގައެވެ.
ފިރިހެން އަދި އަންހެން ޑިވިޝަން ވަކިން ވާދަކުރާގޮތަށް ހަމަޖެހިފައިވާ މިމުބާރާތުގައި، ބައިވެރިވުމުގެ ފުރުސަތު 2 ނޮވެންބަރު އިން 08 ނޮވެންބަރުގެ 18:00 އާ ހަމައަށް ވަނީ ހުޅުވާލެވިގެންދިޔައެވެ.
ބައިވެރިވުމަށް އެދޭ ފޯމާއި، މުބާރާތުގެ ޤަވާއިދު، ބީ.އެސް.އެސް.އޭގެ ފޭސްބުކް ޕޭޖްއިން ލިބޭނެގޮތްވެސް ވަނީ ހަދާފައެވެ.
މި މުބާރާތަކީ އެމް.އެން.ޔޫ ބިޒްނަސް ސުކޫލް ސްޓޫޑެންޓް އެސޯސިއޭޝަންއިން، ބިޒްނަސް ސުކޫލްގެ ދަރިވަރުންނަށް އަމާޒުކޮށް ބާއްވަމުން އަންނަ މުބާރާތެކެވެ.
ކޮވިޑް 19 ގެ ސަބަބުން 1 އަހަރު ދުވަހުގެ މެދުކެނޑުމަކަށްފަހު އަލުން މިމުބާރާތް ފައްޓާއިރު، ކުރީ އަހަރު ތަކެކޭ ޚިލާފަށް ބީ.އެސް.އެސް.އޭ ފުޓްސަލް ފިއެސްޓާގެ ނަން ވަނީ ބީ.އެސް.އެސް.އޭ ފުޓްސަލް ޓޯނަމެންޓްގެ ނަމަށް ބަދަލު ކުރެވިފައެވެ. މިއަހަރުގެ މުބާރާތުގައި ބައިވެރިވި ޓީމްތަކުގެ އަދަދު ވަނީ އެހެން އަހަރުތަކާއި އަޅާއި ބަލާއިރު މަދުވެފައެވެ. މިކަމުގެ ސަބަބަކަށް ވެފައިވަނީ ކޮވިޑް 19 އާއި ގުޅިގެން އެމް.އެން.ޔޫ ބިޒްނަސް ސުކޫލްގައި ކިޔަވަމުންދާ ދަރިވަރުންގެ އަދަދު މަދުވުމެވެ.
ބީއެސް.އެސް.އޭ ގެ އުންމީދަކީ އަންނަ އަހަރުގައި އެމް.އެން.ޔޫ ބިޒްނަސް ސުކޫލްގައި ކިޔަވަމުންދާ ދަރިވަރުން އިތުރުވެ، ދަރިވަރުންގެ ފަރާތުން އެދެވޭ ތަރުހީބެއް ބީ.އެސް.އެސް.އޭ ފުޓްސަލް ޓޯނަމެންޓް 2022 ގައި ލިބިގެންދިޔުމެވެ.
