އެޗް.ޑީ.ސީ އަހުރަ ހޭންޑްބޯލް މުބާރާތުގެ އަންހެން ޑިވިޝަންގެ ޗެމްޕިއަންކަން ފެނަކަ ކޯޕަރޭޝަން ލިމިޓެޑަށް!

2017 ވަނަ އަހަރުގެ އަހުރަ ހޭންޑްބޯލް މުބާރާތަށް ވުރެ މިއަހަރުގެ މުބާރާތް ފުޅާކުރުމުގެ ގޮތުން އަހުރައިން ވަނީ އަންހެން ޑިވިޝަންގެ އިތުރުން ފިރިހެން ޑިވިޝަންއަށް ވެސް ބައިވެރި ވެވޭ ގޮތަށް ހަމަޖައްސަވައިފައެވެ. އެޗް.ޑީ.ސީ އަހުރަ ހޭންޑްބޯލް މުބާރާތުގެ އަންހެން ޑިވިޝަންގެ ޗެމްޕިއަންކަން ހޯދައިފާވަނީ ފެނަކަ ކޯޕަރޭޝަން ގެ ޓީމެކެވެ.

2018 ވަނަ އަހަރުގެ އަހުރަ ހޭންޑްބޯލް މުބާރާތުގެ ސެމީ ފައިނަލްގައި ވާދަކޮށްފައި ވަނީ ފެނަކަ ކޯޕަރޭޝަން އާއި ފޮނަދޫ ޔޫތް އެސޯސިއޭޝަން އެވެ.މި މެޗް ކާމިޔާބުކޮށް ފައިނަލް އިން ޖާގަ ހޯދައިފާ ވަނީ ފެނަކަ ކޯޕަރޭޝަން ލިމިޓެޑްގެ ޓީމެވެ.ސެމީ ފައިނަލްގެ ދެ ވަނަ މެޗްގައި ވާދަކޮށްފައިވަނީ އިސްކަންދަރު އެއާރ ބޭސް އާއި ފޮނަދޫ ޒުވާނުންގެ ގުޅުމުގެ ޓީމެވެ.

ފައިނަލް މެޗްގެ ޝަރަފްވެރި މެހެމާނެއްގެ ގޮތުގައި ވަޑައިގެންދެއްވީ މާފަންނު ދެކުނު ދާއިރާގެ މެމްބަރ އަބްދުއްﷲ ރިފާއު އެވެ.އަދި މީގެ އިތުރުން އެމް.އެން.ޔޫ.އެސް.ޔޫ ގެ ރައީސް އަރްޝަދް އަޝްރަފް،ނައިބް ރައީސް (އެކްޓިވިޓީ) ހަސަން ޝާހް އަދި ނައިބް ރައީސް (ވިންގްސް) އަލީ ޝަމްމޫން ވަނީ ބައިވެރިވެ ވަޑައިގެންފައެވެ.

23 ގޯލައާއި އެކު އަންހެން ޑިވިޝަންގެ އެންމެ ގިނަ ގޯލް ޖަހާފައިވަނީ އިސްކަންދަރު އެއާރ ބޭސްގެ ޖާޒީ ނަންބަރ 11 ފާތިމަތު ޝަހުމާ އެވެ.އެންމެ މޮޅު ކޯޗް އަކަށް ހޮވިފައިވަނީ ފެނަކަ ކޯޕަރޭޝަން ލިމިޓެޑްގެ ތަހުމީނާ އަބޫބަކުރެވެ.

އެންމެ މޮޅު7  ކުޅުންތެރިންނަކީ :

ފެނަކަ ކޯޕަރޭޝަން ލިމިޓެޑްގެ ޖާޒީ ނަންބަރ 9 އައިޝަތު މަޖީދާ

ފޮނަދޫ ޒުވާނުންގެ ގުޅުމުގެ ޖާޒީ ނަންބަރ 11 މައިޝާ އަބްދުލް ހަންނާން

އިސްކަންދަރު އެއާރ ބޭސްގެ ޖާޒީ ނަންބަރ 11 ފާތިމަތު ޝަހުމާ

ފެނަކަ ކޯޕަރޭޝަން ލިމިޓެޑްގެ ޖާޒީ ނަންބަރ 11ފާތިމަތު މަޒިއްޔާ

ފޮނަދޫ ޔޫތް އެސޯސިއޭޝަންގެ ޖާޒީ ނަންބަރ 33 ހައްވާ ސަމިއްޔާ

ފޮނަދޫ ޒުވާނުންގެ ގުޅުމުގެ ޖާޒީ ނަންބަރ 9 ހައްވާ މިޒްނާ

ފޮނަދޫ ޒުވާނުންގެ ގުޅުމުގެ ޖާޒީ ނަންބަރ 3 ފާތިމަތު ޝަހީމާ

އަންހެން ޑިވިޝަންގެ ފެއާރ ޕުލޭ ޓީމްއަކަށް ހޮވިފައިވަނީ ރިއަލް އައިލެންޑް ސޮސައިޓީގެ ޓީމްއެވެ.

އަހުރަ ހޭންޑްބޯލް މުބާރާތުގެ މެއިން ސުޕޮންސާރ އަކީ ހިއުމަން ޑިވަލަޕްމެންޓް ކޯޕަރޭޝަން އެވެ.ޕްރިންޓިން ޕާޓްނަރ އަކީ ޕްރިންޓް ލެބްއެވެ.އެސޯސިއޭޓް ޕާޓްނަރ އަކީ މޯލްޑިވްސް ޕޮލިސް ސާރވިސްއެވެ.މުބާރާތް ހިންގާ ކުރިޔަށް ގެންދިޔުމުގައި ގަން ޕޮލިސް ސްޓޭޝަން އާއި ކައްދޫ ސިފައިން އަދި އެކި އެކި ޖަމިއްޔާތަކުން ދެއްވި އެއްބާރުލުން ފާހަގަކޮއްލަމެވެ.