ދިވެހިރާއްޖޭގެ ގައުމީ ޔުނިވަރސިޓީ (އެމް.އެން.ޔޫ)ގެ ގަން ކެމްޕަސްއާ އަލަށް ގުޅުނު ދަރިވަރުންނަށް ބާއްވާ ފްރެޝާސްނައިޓް ކާމިޔާބު ކަމާއެކު ނިންމާލައިފިއެވެ.
3 ސެޕްޓެމްބަރު ވީ ހުކުރު ދުވަހުގެރޭ އެމް.އެން.ޔޫ ގަން ކެމްޕަސް ގައި ބޭއްވި މިބައްދަލު ވުމުގައި ޔުނިވަރސިޓީއާއި އަލަށް ގުޅުނު ގިނަ އަދަދެއްގެ ދަރިވަރުންނާއި އެމް.އެން.ޔޫ.އެސް.ޔޫ ހިންގާ ކޮމެޓީގެ އިންތިޚާބީ ނައިބު ރައީސް މާޒިން މުޙައްމަދާއި އެމް.އެން.ޔޫ ކައުންސިލްގައި ދަރިވަރުން ތަމްސީލުކުރާ މެންބަރު އިބްރާހީމް ޣާނިމް ޝާހިދާއި، އެމް.އެން.ޔޫ.އެސް.ޔޫ ލީޑާސް ގްރޫޕްގެ މެމްބަރުންގެ އިތުރުން ގަން ކެމްޕަސްގެ މެނޭޖަރާއި ލެކްޗަރާސް އިން ބައިވެރި ވެފައިވެއެވެ.
މިބައްދަލުވުން ހުށަހެޅީ އަހުރައިގެ ރައިސާ ފާތިމަތް ޝައުޝަން އެވެ. މި ބައްދަލުވުން ތަޢާރަފް ކޮށްދީ ވާހަކަ ދައްކަވާފައިވަނީ ވަނީ އިބްރާހީމް ޣާނިމް ޝަހީދާއި މާޒިން މުޙަންމަދެވެ.
ޣާނިމް އާއި މާޒިންގެ ވާހަކައިގައި، ޔުނިވަރސިޓީއާ އަލަށް ގުޅުނު ދަރިވަރުންނާއި، އަހުރައިގައި މަސައްކަތް ކުރަމުން އަންނަ ދަރިވަރުންނަށް ކިޔެވުމަށް ބާރުއަޅާފައިވެއެވެ. އަދި ކިޔެވުމާއި އެއްވަރަށް އިތުރު ހަރަކާތްތަކުގައި ބައިވެރިވުމުގެ މުހިންމުކަން ފާހަގަކޮށްފައިވެއެވެ.
ބައްދަލުވުން ނިންމާލައިފައި ވަނީ އަލަށް ގުޅުނު ކުދިން އެކަކު އަނެކަކަށް ތަޢާރަފްވެ ގުޅުންބަދަހިކޮށް ފްރެޝާސްނައިޓަށް ހާއްސަ ކޭކެއް ފެޅުމަކާއެކުގައެވެ.
