އަހުރައިން މުކުރިމަގު ދަތުރުދާ ސަރަހައްދު ސާފުކޮށްފި

ދިވެހިރާއްޖޭގެ ގައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) ލ. ގަމު ކެމްޕަސްގެ ގޮފި އަހުރައިން ލ.ގަން މުކުރިމަގު ދަތުރުދާ ސަރަހައްދު ސާފު ކުރުމުގެ ހަރަކާތެއް ކުރިޔަށް ގެންގޮސްފިއެވެ.

4 ސެޕްޓެމްބަރުގައި ކުރިޔަށްދިޔަ މި ހަރަކާތުގައި އެމް.އެން.ޔޫ.އެސް.ޔޫއިން ގަމު ކެމްޕަހަށް ދަތުރުކުރި މެމްބަރުންނާއި، ގަން ކެމްޕަހުގެ ދަރިވަރުންގެ އިތުރުން އަހުރައިގެ ހިންގާ ކޮމެޓީގެ މެމްބަރުން ވަނީ ބައިވެރިވެފައެވެ.

މިއީ މުކުރިމަގު ދަތުރުދާ ސަރަހައްދުގައި ގިނަ އަދަދެއްގެ ކުނި ހުރުމާއި ގުޅިގެން ކުރިޔަށް ގެންދިޔަ ކޮމިޔުނިޓީ ހަރަކާތެކެވެ. އެގޮތުން މި ހަރަކާތުގައި 6 ޑަސްބިން ކޮތަޅުގެ ޕްލާސްޓިކު ފުޅި އާއި ގިނަ އަދަދެއްގެ ބިއްލޫރި ފުޅި އަދި އެހެނިހެން ބާވަތުގެ ކުނި ވަނީ އެއްކޮށް ނައްތާލެވިފައެވެ.

ސާފުކޮއް ކުނި ނައްތާލުމުގެ މި ހަރަކާތުގެ އެންމެ ބޮޑު މަގުސަދަކީ އެންމެންގެ ރައްކާތެރި ކަމާއި، ތަނުގެ ސާފުތާހިރު ކަމާއި ތިމާވެށީގެ ރައްކާތެރިކަން ދެމެހެއްޓުމެވެ.