ރޯދަމަހަށް ހާއްސަކޮށް ބީއެސްއެސްއޭ އިން ކުރިޔަށްގެންދިޔަ ބީއެސްއެސްއޭ ފީފާ ޓޯނަމެންޓް ނިމިއްޖެއެވެ.
މެއި 17،16 އަދި 18 ވަނަ ދުހު މި މުބާރާތް ބިޒްނަސް ސްކޫލުގައި ކުރިޔަށް ގެންގޮސްފައިވާއިރު ޖުމްލަ 31 ބައިވެރިން ބައިވެރިވިއެވެ. ޖުމްލަ 8 ގުރޫޕަކަށް ބަހާލައިގެން ކުރިޔަށްދިޔައިރު ކޮންމެ ގްރޫޕަކުން މޮޅުވި 2 ކުޅުންތެރިން ނޮކް އައުޓް ސްޓޭޖުގައި ވާދަކުރިއެވެ. އޭގެ ތެރެއިން މޮޅުވި ކުޅުންތެރިން ކުއާޓަރ ފައިނަލްގައި ވާދަކުރިއެވެ. އަދި ކުއާޓާއިން މޮޅުވި ކުޅުންތެރިން ސެމީ ފައިނަލްގައި މޮޅު ކުޅުމެއްދައްކައި ފައިނަލްގައި ވާދަކުރީ އެމް.އެން.ޔޫ ބީއެސްގެ ދެދަރިވަރުން ކަމުގައިވާ އިބްރާހިމް ސާވީ އަދި އަނަސް އަބްދުﷲ އެވެ. 1-3 ގެ ނަތިޖާއިން މިމުބާރާތް ކާމިޔާބު ކުރީ އަނަސް އަބްދުﷲއެވެ.
މިމުބާރާތަކީ މިއަހަރު އަލަށް ބީއެސްއެސްއޭއިން ކުރިއަށް ގެންދިޔަ މުބާރާތެކެވެ. ހުރިހާ ފެކަލްޓީތަކަށް ހުޅުވާލައިގެން މިމުބާރާތް ކުރިޔަށްދިޔަ އިރު ގިނަ ދަރިވަރުންގެ ޝައުގުވެރިކަން ލިބުނެވެ. މުބާރާތުގެ ޗެމްޕިއަން އަދި ރަނަރަޕް ކުޅުންތެރިޔާއަށް ފައިސާގެ އިނާމެއް ލިބިގެންދާނެއެވެ. ބީއެސްއެސްއޭގެ އުންމީދަކީ ކުރިޔަށް އޮތްތަނުގައި މިފަދަ މުބާރާތްތައް ގިނައިން ބޭއްވުމެވެ.
ލިޔުނީ : ފާތިމަތު ޒަހްރާ
މީޑިއާ ކޯޑިނޭޓަރ، ބީއެސްއެސްއޭ، އެމް.އެން.ޔޫ.އެސް.ޔޫ
