ބީއެސްއެސްއޭ އިން އިސްނަގައިގެން ބާއްވަމުން އަންނަ ފުޓްސަލް ފިއެސްޓާގެ މިއަހަރުގެ މުބާރާތް، އޯގަސްޓް 30 އިން 31 އަށް ތާވަލްކޮށްފިއެވެ.
އަންހެން އަދި ފިރިހެން ޑިވިޝަން ވަކިން ވާދަކުރާ ގޮތަށް ހަމަޖެހިފައިވާ މިމުބާރާތުގައި ބައިވެރިވުމުގެ ފުރުސަތު ދަރިވަރުންނަށް މިހާރު ހުޅުވާލައިފައި ވާއިރު، ޓީމުތައް ބައިވެރިވުމުގެ އެންމެފަހު ތާރީޚަކީ 26 އޯގަސްޓްވާ ހޯމަ ދުހުގެ ރޭ 20:00 އެވެ.
ބައިވެރިވުމަށް އެދޭ ފޯމާއި، މުބާރާތުގެ ޤަވާއިދު މިހާރު ބީއެސްއެސްއޭގެ ފޭސްބުކް ޕޭޖް އަދި ބީއެސްއެސްއޭގެ ޑެސްކް އިން ލިބެން ހުންނާނެއެވެ.
މިއީ އެމްއެންޔޫ ބިޒްނަސް ސްކޫލްގެ ދަރިވަރުންގެ މެދުގައި ބާއްވަމުން އަންނަ ފޯރިގަދަ މުބާރާތެކެވެ. އެގޮތުން ދަރިވަރުންގެ ފަރާތުން ވަރަށް އެދެވޭ ތަރުޙީބެއް މިއަހަރުވެސް ދަނީ ލިބެމުންނެވެ.
މިދިޔައަހަރު ފިރިހެން ޑިވިޝަންއިން 12 ޓީމް ބައިވެރިވިއިރު އަންހެން ޑިވިޝަންއިން 4 ޓީމެއްވަނީ ނުކުމެފައެވެ. ޓީމް ޕްރޮފެސާސް ފިރިހެން ޑިވިޝަންގެ ޗެމްޕިއަންކަން ނަގާފައިވާއިރު އަންހެން ޑިވިޝަންއިން އެވަގްރީން ވަނީ މުބާރާތް ކާމިޔާބު ކޮށްފައެވެ.
ލިޔުނީ : ފާތިމަތު ޒަހްރާ
މީޑިއާ ކޯޑިނޭޓަރ، ބީއެސްއެސްއޭ، އެމް.އެން.ޔޫ.އެސް.ޔޫ
