2019ވަނަ އަހަރުގެ ދެވަނަ ސެމިސްޓަރ ގައި އެމްއެންޔޫ ބިޒްނަސް ސްކޫލް އާއި ގުޅުނު ދަރިވަރުންގެ ތެރެއިން އާ ލީޑަރުންތަކެއް ބީއެސްއެސްއޭ އާއި ގުޅިއްޖެއެވެ.
ގިނަ ދަރިވަރުންތަކެއް މިފަހަރު ލީޑަރުންގެ ގޮތުގައި ހަރަކާތްތެރިވުމަށް ވަނީ ޝައުޤުވެރިކަން ފާޅުކޮށްފައެވެ. އެހެންކަމުން ”ބީއެސްއެސްއޭ ނިއު ލީޑާސް ކޮންވީން“ ގެ ނަމުގައި ބީއެސްއެސްއޭއިން ވަނީ ހަރަކާތެއް ކުރިއަށް ގެންގޮސްފައެވެ. 7 އޯގަސްޓްވީ ބުދަ ދުވަހު ކުރިޔަށްދިޔަ މި ހަރަކާތުގައި ބީއެސްއެސްއޭ އެކްސްކޯގެ އިތުރުން ކުރީގެ ލީޑަރުންވަނީ ބައިވެރިވެފައެވެ. މިހަރަކާތުގެ ތެރެއިން އާ ލީޑަރުންގެ މެދުގައި ހިޔާލު ބަދަލުކުރެވި، ކުރިޔަށް ބީއެސްއެސްއޭ އިން ރާވައިފައި ހުރި ހަރަކާތްތައް ހިއްސާކުރެވިގެން ދިޔައެވެ.
ކޮންމެ އަހަރަކުވެސް އާ ލީޑަރުންތަކެއް ބީއެސްއެސްއޭ އާ ގުޅުމީ ބީއެސްއެސްއޭގެ ހަރަކާތްތައް ކުރިއަށްގެންދިޔުމުގައި އިތުރު ހިތްވަރެއް ލިބި، ދަރިވަރުންނަށް ބޭނުންތެރި އަދި ތަފާތު ތަޖުރިބާތައް ކުރުމަށް ލިބޭ ރަނުގެ ފުރުސަތެކެވެ. މިވަގުތު ބިޒްނަސް ސްކޫލްގައި ތަޢުލީމު ޙާސިލްކުރަމުން ދާ ކޮންމެ ދަރިވަރަކަށްވެސް މިފުރުސަތުވަނީ ހުޅުވައިލެވިފައެވެ.
ލިޔުނީ : ފާތިމަތު ޒަހްރާ
މީޑިއާ ކޯޑިނޭޓަރ، ބީއެސްއެސްއޭ، އެމް.އެން.ޔޫ.އެސް.ޔޫ
