މި ހަފްތާ ބަންދުގައި އޮންނަ ބީއެސްއެސްއޭ ފުޓްސަލް ފިއެސްޓަރގެ ގުރު އިއްޔެ ނަގައިފިއެވެ.
އެމްއެންޔޫ ބިޒްނަސް ސްކޫލްގެ ދަރިވަރުންގެ މެދުގައި ބާއްވަމުން އަންނަ މި މުބާރާތުގައި މި އަހަރު ޖުމްލަ 15 ޓީމެއްވަނީ ބައިވެރިވެފައެވެ. އެގޮތުން ފިރިހެން ޑިވިޝަންއަށް 10 ޓީމާއި އަންހެން 5 ޓީމެއްވަނީ ނުކުމެފައެވެ.
މި މުބާރާތް މާދަމާ ހެދުނު 6:30 ގައި ފެށުމަށް ހަމަޖެހިފައިވާއިރު އެންމެ ފުރަތަމަ މެޗުގައި ވާދަކުރާނީ ޓީމް އަސްހާބް އަދި ޓީމް ނުރޯދަރިއެވެ. ހުކުރު ދުވަހު ހެދުނު ޖުމްލަ 12 މެޗެއް ޝެޑިއުލް ކޮށްފައިވާއިރު ފިރިހެން ޑިވިޝަންގެ 7 މެޗަކާއި އަދި އަންހެން ޑިވިޝަންގެ 5 މެޗް ކުޅޭނެއެވެ.
މިމުބާރާތުގައި ކޮންމެ ޑިވިޝަންއަކުންވެސް ތިރީގައިވާ މަޤާމްތައް ހޮވާނެއެވެ.
- މުބާރާތުގެ ޝެމްޕިއަން ޓީމް
- މުބާރާތުގެ ރަނަ-އަޕް ޓީމް
- މުބާރާތުގެ ފެއާ-ޕްލޭ ޓީމް
- މުބާރާތުގެ އެންމެ މޮޅު 5 ކުޅުންތެރިން
- މުބާރާތުގެ އެންމެ މޮޅު ކުޅުންތެރިޔާ
- މުބާރާތުގެ އެންމެ ގިނަ ލަނޑުޖެހި ކުޅުންތެރިޔާ
- ކޮންމެ މެޗެއްގެ އެންމެ މޮޅު ކުޅުންތެރިޔާ
ދެދުވަހަށް ދެމިގެންދާ މި ފުޓްސަލް މުބާރާތުގެ ސެމީ ފައިނަލް 31 ވާ ހޮނިހިރު ދުވަހު 14:00 އަށްވަނީ ތާވަލުކުރެވިފައެވެ. އަދި ފައިނަލްގެ މެޗުތައް އެދުވަހުގެ ރޭ 20:00 އިން ފެށިގެން ކުރިޔަށް ދާނެއެވެ.
ދެ ގުރޫޕަކަށް ބަހާލައިގެން ގެންދާ މިމުބާރާތް ކުރިޔަށް ގެންދިޔުމަށް ހަމަޖެހިފައިވަނީ އެކުވެނި ވެލިދަނޑުގައެވެ.
ލިޔުނީ : ފާތިމަތު ޒަހްރާ
މީޑިއާ ކޯޑިނޭޓަރ، ބީއެސްއެސްއޭ، އެމް.އެން.ޔޫ.އެސް.ޔޫ
