އެމްއެންޔޫ ބިޒްނަސް ސްކޫލުގެ ލެކްޗަރާއިންނާއެކު ބީއެސްއެސްއޭއިން ޓީޗަރުންގެ ދުވަސް ފާހަގަކޮށްފިއެވެ.
6 އޮކްޓޯބަރ 2019ވަނަ ދުވަހު މެންދުރުފަހު ބިޒްނަސް ސްކޫލުގައި ފާހަގަކުރި މި ހަރަކާތުގައި، ބީއެސްއެސްއޭގެ ފަރާތުން ލެކްޗަރާއިންނަށް ކުޑަ ހަދިޔާއެއް ދިނެވެ. އަދި މި ހަރަކާތުގެ ތެރެއިން ޓީޗަރުންގެ ދުވަހުގެ ކޭކު އެމްއެންޔޫބީއެސްގެ ލެކްޗަރާއިންވަނީ ފަޅާފައެވެ. ކޭކު ފެޅުމުގައި ބައިވެރިވީ ލެކްޗަރާއިންނާއި، މެނޭޖުމެންޓުގެ އިތުރުރުން ދަރިވަރުންނެވެ.
ލެކްޗަރާއިންނާއި މުޙާތަބުކޮށް ކުޑައެއްޗެއް ބުނުމުގެ ފުރުޝަތު ލިބުމުން ބީއެސްއެސްއޭގެ ރައީސްވަނީ ލެކްޗަރާއިންނަށް އެދުވަހުގެ ތަހުނިޔާ އާރިސްކޮށް އަދި އެބޭފުޅުންގެ ބުރަމަސައްކަތަށް ޝުކުރު އަދާކޮށްފައެވެ. އަދި އެބޭފުޅުންގެ ދަރިވަރުންނަސްވީތީ ފަޚުރުވެރިވާކަން އެ ފުރުޝަތުގައި ފާހަގަކުރިއެވެ.
މުދައްރިސުންގެ ދުވަހަކީ ކޮންމެ އަހަރަކު އޮކްޓޯބަރ 5 ވަނަ ދުވަހު ޓީޗަރުންގެ އަގުވަޒަން ކުރުމުގެ ގޮތުން އެކި ސްކޫލްތަކުގައާއި ޔުނިވަސިޓީ/ކޮލެޖްތަކުގައި ފާހަގަ ކުރާ ދުވަހެކެވެ.
ލިޔުނީ : ފާތިމަތު ޒަހްރާ
މީޑިއާ ކޯޑިނޭޓަރ، ބީއެސްއެސްއޭ، އެމް.އެން.ޔޫ.އެސް.ޔޫ
