އެމް.އެން.ޔޫ.އެސް.ޔޫގެ ހިންގާ ކޮމެޓީގެ މެމްބަރުން ބީ.އެސް.އެސް.އޭގެ ހިންގާ ކޮމެޓީ އާއި މިދިޔަ ހޮނިހިރު ދުވަހު ބައްދަލުކޮށްފިއެވެ.
އެމްއެންޔޫއެސްޔޫގެ އޮފީހުގައި ކުރިޔަށްދިޔަ މިބައްދަލުވުމުގައި ބިއެސްއެސްއޭއިން މިހާތަނަށް ބޭއްވި ޢަމަލީ އަދި ޢިލްމީ ހަރަކާތްތަކާއިމެދު ވާހަކަދެކެވުނެވެ. އަދި ކުރިޔަށް ރާވަމުންދާ ހަރަކާތްތަކާއި، އިތުރަށް ބިއެސްއެސްއޭ ގޮފިން ރަނގަޅުކުރަންހުރި ކަންތައްތައް އެމް.އެން.ޔޫ.އެސް.ޔޫގެ ގޮފިތަކުގެ ނައިބު ރައީސް ފާހަގަކުރެއްވިއެވެ. އަދި މި ބައްދަލުވުމުގެ ތެރެއިން ބިއެސްއެސްއޭއަށް ދިމާވާ ދަތިތަކާއިމެދު ވާހަކަދައްކާ އެކަމަށްހުރި ހައްލުތައް ހިއްސާކުރިއެވެ.
ބީއެސްއެސްއޭގެ އެކި މެމްބަރުންގެ ޒިންމާތައް އަދާކޮށް، މަސައްކަތްތައް ނިންމާތޯވެސް މި ބައްދަލުވުމުގައި ބެލިއެވެ. އެގޮތުން ޔައުމިއްޔާ އާއި ބަޖެޓް ރިޕޯޓުގެ އިތުރުން ޚަބަރުތައް ވަގުތުން ވަގުތައް ނިންމާތޯ އެމް.އެން.ޔޫ.އެސް.ޔޫއިން ބެލިއެވެ.
ކޮންމެ އަހަރަކުވެސް އެމް.އެން.ޔޫ.އެސް.ޔޫގެ ދަށުގައިވާ ގޮފިތަކާއި ބައްދަލުކޮށް، އެގޮތްޕެއްގައި ރޭވިފައި ހުރި ހަރަކާތްތަކާއިމެދު ވާހަކަ ދެއްކުމަށްޓަކައި އެމްއެންޔޫގެ ދަރިވަރުންގެ ޖަމިއްޔާއިން އެކި ގޮފިތަކާއި ބައްދަލުކޮށް ހިޔާލު ބަދަލުކުރެއެވެ. މިފަދަ ބައްދަލުވުންތަކުގެ މަޤުސަދަކީ ގޮފިތަކުގައިހުރި ދަތިތަކާއި އިތުރަށް ރަނގަޅުކުރަންވީ ކަންތައްތައް ފާހަގަކުރުމެވެ.
ލިޔުނީ : ފާތިމަތު ޒަހްރާ
މީޑިއާ ކޯޑިނޭޓަރ، ބީއެސްއެސްއޭ، އެމް.އެން.ޔޫ.އެސް.ޔޫ
