މިއަހަރު ބީއެސްއެސްއޭގެ ފުރަތަމަ މޫވީ ނައިޓަށް ގިނަ ދަރިވަރުންގެ ތަރުހީބު ލިބިއްޖެއެވެ.
22 މާރޗްވީ ހުކުރުދުހުގެ ރޭ ބީއެސް އޮޑިޓޯރިއަމްގައި ބޭއްވި މި މޫވީ ނައިޓްގައި ގިނަ ފެކަލްޓީތަކުގެ ދަރިވަރުންވަނީ ބައިވެރިވެފައެވެ. “ ދަ ޕޮސެސަން އޮފް ހޭނާ ގްރޭސް “ މި ބިރުވެރި ފިލްމް ދައްކާލި އިރު މޫވީއަށް އިތުރު ފުރިހަމަ ކަމެއް ގެނައުމަށް ބީއެސްއެސްއޭގެ ޓީމުންވަނީ ތަފާތު ކާއެއްޗެހި ވިއްކާފައެވެ.
ތަފާތު އެކި ޚަރަކާތްތައް ހިންގުމަށް ފަންޑް ހޯދުމުގެ ބޭނުމުގައި ކޮންމެ އަހަރަކުވެސް މިފަދަ ކަންކަން ދަނީ ބީއެސްއެސްއޭއިން އިންތިޒާމުކުރަމުންނެވެ. ކުރިޔަށް އޮތްތަނުގައި އަދިވެސް މިފަދަ މޫވީ ނައިޓްތައް ބޭއްވުމަށް ދަނީ ބީއެސްއެސްއޭ އިން ލީޑާސްގެ އެހީގައި ތައްޔާރުވަމުންނެވެ.
ލިޔުނީ : ފާތިމަތު ޒަހްރާ
މީޑިއާ ކޯޑިނޭޓަރ، ބީއެސްއެސްއޭ، އެމް.އެން.ޔޫ.އެސް.ޔޫ
