2019 ވަނަ އަހަރު އެމްއެންޔޫ ބިޒްނަސް ސްކޫލާއި ގުޅުނު ދަރިވަރުންނަށް ސްކޮލާސް ގާލާ ނައިޓް ބާއްވައިފިއެވެ.
23 އޯގަސްޓް ވީ ހުކުރު ދުވަހުގެރޭ މި ހަރަކާތް ކުރިޔަށް ދިޔައީ އެމްއެންޔޫބީއެސް އޮޑިޓޯރިއަމްގައެވެ. އެމްއެންޔޫ ބިޒްނަސް ސްކޫލްގެ ޑީން އަދި އެމްއެންޔޫ ސްޓޫޑެންޓް ޔުނިއަންގެ މެމްބަރުންވެސް ވަނީ މި ހަރަކާތުގައި ބައިވެރިވެފައެވެ. އެގޮތުން އެމްއެންޔޫ ބިޒްނަސް ސްކޫލްގެ ޑީން އަލަށް ވަދުނު ދަރިވަރުންނަށްވަނީ މަރުޙަބާ ކިޔާފައެވެ. އަދި އެމްއެންޔޫއެސްޔޫގެ ކުރީގެ ރައީސް އަލްއުސްތާޛް އަލީ ރަޝީދުވެސް ބައިވެރިވެ ވަޑައިގަންނަވާ ދަރިވަރުންނާއި މުހާތަބުކޮށް ވާހަކަ ދެއްކިއެވެ.
މިފަހަރުގެ ގާލާ ނައިޓްގައިވެސް ތަފާތު ގޭމްތަކާއި އައިޓަމްތައް ގެނެސްދިނެވެ. އެގޮތުން އެމްއެންޔޫ ސްޓޫޑެންޓް ޔުނިއަންގެ މެމްބަރުން ބައިވެރިކޮށް އާދަރިވަރުންނާއި އެކުވަނީ މަޖާ ގޭމްތަކެއް ކުރިޔަށް ގެންގޮސްފައެވެ. އަދި މީގެ އިތުރުން އެމްއެންޔޫބީއެސްގެ ބޮޑު ބެރު ގުރޫޕްގެ ލަވަތައް އަދި އެމްއެންޔޫބީއެސްގެ އަންހެން ކުދިންގެ ހާއްސަ އައިޓަމެއްވެސް ގެނެސްދިނެވެ.
ސްކޮލާސް ގާލާ ނައިޓްގެ ނަމުގައި މިއަހަރުގެ ދެ ސެމިސްޓާގެ ފްރެޝާސް ނައިޓް ބޭއްވި އިރު، މި ސެމިސްޓާގައި އަލަށް ވަދުނު ދަރިވަރުންގެ ތެރެއިން ގިނަ ދަރިވަރުންތަކެއް ވަނީ ބީއެސްއެސްއޭގެ ލީޑަރުންނާއި ގުޅިފައެވެ.
ލިޔުނީ : ފާތިމަތު ޒަހްރާ
މީޑިއާ ކޯޑިނޭޓަރ، ބީއެސްއެސްއޭ، އެމް.އެން.ޔޫ.އެސް.ޔޫ
