މާލޭގެ ދެސަރަހައްދެއް ސާފުކޮށް “ އެމް.އެން.ޔޫ.އެސް.ޔޫ ޓްރެޝް ޗެލެންޖް“ ބީ.އެސް.އެސް.އޭ އިން ފުރިހަމަކޮށްފިއެވެ.
މާލޭގެ ދެ ސަރަހައްދެއްކަމަށްވާ ބްރިޖް ވިއު އަދި ސިނާއީ ސަރަހައްދު ސާފުކޮށް ބީ.އެސް.އެސް.އޭ އިން މި ”ޗެލެންޖް“ ފުރިހަމަކުރީ ޖުމްލަ 18 ދަރިވަރުންނާއެކުއެވެ. މިއީ މިހާތަނަށް އެންމެ އަވަހަށް މި ޗެލެންޖް ފުރިހަމަ ކުރި ފެކަލްޓީއެވެ. މިސަރަހައްދުތައް ސާފުކުރުމަށްފަހު ނެގި ކުނިތައް ބީ.އެސް.އެސް.އޭ އިން ވެމްކޯ އާއި ހަވާލުކުރިއެވެ.
އަހުރައިން އިސްނަގައިގެން ފެށި ” ޓްރޭޝް ޗެލެންޖް“ މިހާތަނަށް މާލޭގެ ދެފެކަލްޓީއަކުން ފުރިހަމަކޮށްފައިވާއިރު، ބީ.އެސް.އޭ.އަށް މި ޗެލެންޖްކުރީ ފެކަލްޓީ އޮފް އެޑިއުކޭޝަން ސްޓޫޑެންޓް އެސޯޝިއޭޝަން އިންނެވެ. މި ޗެލެންޖް މިހާތަނަށް ފުރިހަމަ ކުރީ އަހުރަ، ޝެޓްސް އަދި ފެސާ އިންނެވެ. މި ޗެލެންޖް ފުރިހަމަ ކުރުމަށްޓަކައި އަހުރައިން ލ.ގަމު ގޮނޑުދޮށުގެ ސަރަހައްދެއް ސާފުކުރިއިރު، ޝެޓްސް އާއި ފެސާ އިން ސާފުކުރީ ވިލިގިލީގެ ސަރަހައްދެކެވެ .
.
ތިމާވެށީގެ ދުވަހާއި ދުނިޔޭގެ ކަނޑުގެ ދުވަސް ފާހަގަ ކުރުމުގެ ގޮތުން އަހުރައިން ފެށި މި ޗެލެންޖްގެ މައިގަނޑު މަގްސަދަކީ، ދަރިވަރުންގެ މެދުގައި ތިމާވެއްޓަށް އޮންނަ ލޯތްބާއި އިހްތިރާމް އިތުރުކުރުމެވެ.
ބީ.އެސް.އެސް.އޭ އިން މި ޗެލެންޖް ފުރިހަމަކުރުމަށްފަހު، ދެން މިޗެލެންޖު ފުރިހަމަ ކުރުމަށް ނިއަރެސް އަދި އެސް.އެސް.އެލް އަށް ދަޢުވަތުދެމެވެ.
ލިޔުނީ : ފާތިމަތު ޒަހްރާ
މީޑިއާ ކޯޑިނޭޓަރ، ބީއެސްއެސްއޭ، އެމް.އެން.ޔޫ.އެސް.ޔޫ
