ބިޒްނަސް ސްކޫލްގެ މެނޭޖްމެންޓްގެ ފަރާތުން ބީ.އެސް.އެސް.އޭ އަށް އަގުވަޒަންކުރުމުގެ އެވޯޑެއް!

9 ނޮވެމްބަރ ވީ ހޮނިހިރު ދުހުގެރޭ ކުރިޔަށްދިޔަ ބީއެސް ނައިޓްގެ ތެރެއިން، ބީ.އެސް.އެސް.އޭއިން ކުރަމުންދާ ހިދުމަތުގެ އަގުވަޒަންކޮށް ބިޒްނަސް ސްކޫލްގެ މެނޭޖްމެންޓުން އެވޯޑެއް ދީފިއެވެ.

މިހާތަނަށް ފެކަލްޓީއެއްގެ މެނޭޖްމެންޓުން އަގުވަޒަންކުރުމުގެ ގޮތުން އެވޯޑެއް ދީފައި ނުވާއިރު، ބީ.އެސް.އެސް.އޭއަށް މި އެވޯޑުދެއްވީ މި ގޮފީގެ ޙަރަކާތްތައް ހިންގުމަށް އިތުރަށް ހިއްވަރު ދިނުމުގެ ގޮތުންނެވެ. އެމް.އެން.ޔޫ ބިޒްނަސް ސްކޫލްގެ ޑީން މި އެވޯޑް ހަވާލުކޮށްދެއްވީ ބީ.އެސް.އެސް.އޭގެ ރައީސް މުހައްމަދު ޔާސިރު މޫސާއަށެވެ.

އިތުރު ހަރަކާތްތައް ރާވާ ހިންގުމަށް މެނޭޖްމެންޓުގެ އެހީ ލިބުމީ މިފަދަ ޙަރަކާތްތައް އިތުރަށް ފުރިހަމަ ކުރުމަށް ލިބޭނެ ބާރެކެވެ. ބިޒްނަސް ސްކޫލްގެ މެނޭޖްމެންޓުން އަބަދުވެސް ބީ.އެސް.އެސް.އޭއަށް ދަނީ އެކި ގޮތްގޮތުން އެހީތެރި ވެދެމުންނެވެ.

ލިޔުނީ : ފާތިމަތު ޒަހްރާ

 މީޑިއާ ކޯޑިނޭޓަރ، ބީއެސްއެސްއޭ، އެމް.އެން.ޔޫ.އެސް.ޔޫ