ބީ.އެސް.އެސް.އޭ މަދަހަ ޗެލެންޖަކީ ކޮންމެ އަހަރުކުވެސް، ރަމަޟާން މަހާ ދިމާކޮށް ބީ.އެސް.އެސް.އޭ އިން ބާއްވާ މުބާރާތެކެވެ. އެހެންކަމުން މިއަހަރުވެސް ބީ.އެސް.އެސް.އޭ މަދަހަ ޗެލެންޖް ކުރިއަށް ގެންދިޔުމަށް ވަނީ ހަމަޖެހިފައެވެ.
ކުރީ އަހަރާ އެއްގޮތަށް މިއަހަރުވެސް މަދަހަ ޗެލެންޖް ކުރިއަށް ގެންދަން ހަމަޖެހިފައިވަނީ ސޯޝަލް މީޑިއާ ބޭނުންކޮށްގެންނެވެ. ހާއްސަކޮށް ފޭސްބުކްގެ ޒަރިއްޔާއިންނެވެ.
މި މުބާރާތުގައި ކޮންމެ ހަފްތާއަކުވެސް، ކިޔާނެ މަދަހައައެއް ބީ.އެސް.އެސް.އޭއިން ހަމަޖައްސައި، އެ މަދަހަ ކިޔުމުގެ ފުރުސަތު ހުޅުވާލާނެއެވެ. މި މަދަހަ ޗެލެންޖަކީ ޔުނިވަރސިޓީގެ އިތުރުން އާންމުންނަށް ވެސް ބައިވެރިވެވޭނެ މުބާރާތެކެވެ.
މަދަހަ ކިޔުމުގެ ފުރުސަތު ހުޅުވާލުމަށްފަހު އެހަފްތާއެއްގެ މަދަހަ ރިކޯޑް ކުރުމަށްފަހު އެ މަދަހަ ބީ.އެސް.އެސް.އޭ ފޭސްބުކް ޕޭޖްއަށް ޝެއަރ ކުރުމާއެކު، އެ މަދަހަ ޗެލެންޖް ފުރިހަމަ ކުރެވުނީއެވެ. ކޮންމެ ހަފްތާއަކަށްވެސް ކިޔުމަށް ހަމަޖެހިފައިވަނީ ތަފާތު މަދަހައެކެވެ.
މިދިޔަ އަހަރުވެސް ބީ.އެސް.އެސް.އޭ މަދަހަ ޗެލެންޖަށް ބޮޑު މަގުބޫލުކަމެއް ވަނީ ލިބިފައެވެ. އެހެންކަމުން މިއަހަރުގެ ޗެލެންޖްގައިވެސް ގިނަ ބަޔަކު ބައިވެރިވާނެ ކަމަށް ބީ.އެސް.އެސް.އޭއިން އުއްމީދު ކުރެއެވެ.
