މި އަހަރުގެ ފުރަތަމަ މޫވީ ނައިޓް، 11 ސެޕްޓެމްބަރު ވާ، ހޮނިހިރު ދުވަހު ރޭ ބޭއްވުމަށް ވަނީ ހަމަޖެހިފައެވެ.
އެމް.އެން.ޔޫ ބިޒްނަސް ސްކޫލު އޮޑިޓޯރިއަމްގައި ”ޑްރެގް މީ ޓު ހެލް“ ފިލްމު އެޅުވުމަށް ހަމަޖެހިފައިވާއިރު، މޫވީ ނައިޓްގެ ޓިކެޓެއްގެ އަގަކީ 15 ރުފިޔާއެވެ. ފިލްމު ކުރިއަށްދާ ގަޑީގައި، ބީ.އެސް.އެސް.އޭ ލީޑަރުން ތަފާތު ލުއި ކާތަކެތި ވިއްކުމަށް ވަނީ ހަމަޖެހިފައެވެ. އޭގެ ތެރޭގައި ޕޮޕްކޯން، ސޮސެޖް، ޕިކްފައިން، އަދި ލުއި ބުއިންތަކާއި ފެންވެސް ލިބެން ހުންނާނެއެވެ. ފިލްމު ފެށުމައް ހަމަޖެހިފައިވަނީ ރޭނގަޑު 08:15ގައެވެ.
މި ޙަރަކާތަކީ ބީ.އެސް.އެސް.އޭއިން ބާއްވާ އެކިއެކި ޙަރަކާތްތަކަށް ބޭނުންވާ ފަންޑް ހޯދުމުގެ ބޭނުމުގައި ކުރިއަށް ގެންދާ ފަންޑު ރައިޒިންގ ޙަރަކާތެކެވެ. މިފަދަ ގިނަ ހަރަކާތްތައް މީގެ ކުރިން ވެސް ބޭއްވިފައިވެއެވެ.
