ބީ.އެސް.އެސް.އޭ އިންސްޓަގްރާމް ފޮޓޯ ޗެލެންޖްގެ އެއްވަނަ މަރްޔަމް ސުހާއަށް

ބީ.އެސް.އެސް.އޭ އިން މިއަހަރުގައި ބޭއްވި އިންސްޓަގްރާމް ފޮޓޯ ޖެލެންޖްގެ އެއްވަނައަށް މަރްޔަމް ސުހާ ކާމިޔާބު ކޮށްފިއެވެ.

މި ފޮޓޯ ޗެލެންޖް އަކީ ރާއްޖޭގެ މިނިވަން ދުވަހާ ގުޅުވައިގެން ބީ.އެސް.އެސް.އޭއިން ކުރިޔަށް ގެންދިޔަ މުބާރާތެކެވެ. މި މުބާރާތަކީ އެމް.އެން.ޔޫގެ ފެކަލްޓީތަކުގައި ކިޔަވަމުންދާ ހުރިހާ ކުދިންތަކަށް ބައިވެރިވެވޭނެ ގޮތަށް ހުޅުވައިލައިގެން ގެންދިޔަ މުބާރާތެކެވެ.

މި މުބާރާތުގައި ބައިވެރި ވުމުގެ ފުރުސަތު ހުޅުވާލައިފައިވަނީ ޖުލައި 19 ގައެވެ. މުބާރާތުގައި ބައިވެރި ވުމަށްޓަކައި ޖުލައި މަހުގެ 24 ވަނަ ދުވަހުގެ 23:00 ގެ ކުރިން ފޮޓޯ ފޮނުވުމުގެ ފުރުސަތު ވަނީ ހުޅުވާލެވިފައެވެ. އަދި ފޮނުވި ފޮޓޯތަކަށް ވޯޓުލުމުގެ ފުރުސަތު، 24 ޖުލައިގެ 23:00 އިން، 26 ޖުލައި 00:00 އަށް ވަނީ ހުޅުވާލެވިފައެވެ.

އެގޮތުން އެންމެ ގިނަ ވޯޓު ހޯދާ ފަރާތަކަށް 500 ރުފިޔާ، އިނާމަކަށް ދޭން ވަނީ ނިންމާފައެވެ.

މި މުބާރާތުގައި މަރްޔަމް ސުހާގެ އިތުރުން 2 ބައިވެރިއެއް ވަނީ ބައިވެރިވެފައެވެ. އެއީ، އައިމިނަތް ރީޝަމް ޙުސައިން އަދި ފިރުޝާނާ އެވެ.

މި މުބާރާތް މަރްޔަމް ސުހާ ކާމިޔާބު ކުރީ 498 ވޯޓު ހޯދައިގެންނެއެވެ. ދެވަނައަށް ދިޔަ ރީޝަމްއަށް ލިބުނީ 441 ވޯޓެވެ. އަދި ތިންވަނަ، ފިރުޝާނާއަށް ލިބިފައިވަނީ 67 ވޯޓެވެ.

ކޯވިޑް- 19 އާއި ގުޅިގެން ގިނަ ހަރަކާތްތަކެއް ހިންގުމަށް ވަނީ ވަރަށް ބޮޑެތި ގޮންޖެހުންތަކަކާ ކުރިމަތިވެފައެވެ. އެކަމަކު މި ހާލަތާ ގުޅުވައިގެންވެސް ބީ.އެސް.އެސް.އޭއިން ދަނީ ގިނަ ހަރަކާތްތަކެއް ހިންގަމުންނެވެ. މި ހަރަކާތްތަކީ ވެސް މުޅިން އަލަށް ބީ.އެސް.އެސް.އޭ އިން ކުރިޔަށް ގެންދިޔަ ހަރަކާތްތެކެވެ.