އެމް.އެން.ޔޫ.ބިޒްނަސް ސްކޫލް ސްޓޫޑެންޓް އެސޯސިއޭޝަން (ބީ.އެސް.އެސް.އޭ)ގެ ފަރާތުން ރަމަޟާން މަހަށް ޙާއްސަ ކޮށްގެން މުޅިން އާ ޕްރޮގްރާމެއް ފަށައިފިއެވެ.
”ބީ.އެސް.އެސް.އޭ ސްޓޫޑިއޯ“ ގެ ނަމުގައި މުޅިން އަލަށް ފަށައިގެން އުޅޭ މި ޕްރޮގްރާމްގެ ހުރިހާ އެޕިސޯޑްތައް،ސީ.އެން.އެމް މެދުވެރިކޮށް ބެލުންތެރިންނާ ހަމަޔަށް ގެނެސްދިނުމަށް ވަނީ ހަމަޖެހިފައެވެ. މި ޕްރޮގްރާމްގެ މައިގަނޑު މަގްސަދަކީ އެމް.އެން.ޔޫ.އެސް.ޔޫ އާއި އެމް.އެން.ޔޫ.އެސް.ޔޫ ގެ ގޮފިތަކާއި ގުޅިގެން ކުރިއަށް ގެންދާ ހަރަކާތް ތަކުގެ މަޢުލޫމާތު ބެލުންތެރިންނާ ހަމަޔަށް ގެނެސް ދިނުމެވެ.
އޭގެ އިތުން މަޝްހޫރު ފަންނާނުންގެ ކާމިޔާބީގެ ތަޖުރިބާ ހިއްސާކުރުމާއި، ތަފާތު އެތައް މަޖާ ގޭމުތަކެއްވެސް މި ޕްރޮގްރާމްގެ ތެރެއިން ފެނިގެން ދެއެވެ.
މި ޕްރޮގްރާމްގެ ފުރަތަމަ އެޕިސޯޑު ފެށިގެން ދިޔައީ އެމް.އެން.ޔޫ.އެސް.ޔޫ ބޮޑުބެރު ގްރޫޕްގެ ލަވަޔަކުންނެވެ. އަދި ފުރަތަމަ ޕްރޮގްރާމްގެ ހާއްސަ މެހެމާނެއްގެ ގޮތުން ބައިވެރިވީ ހަބޭސް ބޮޑުބެރު ގްރޫޕްގެ ލީޑް ވޯކަލިސްޓް ހަސަން ޝާރިމް އެވެ.
މި އެޕިސޯޑުގެ ދެވަނަ ސެގްމެންޓުގައި ގެނެސްދީފައިވަނީ، އެމް.އެން.އެސް.ޔޫ ގެ 2019 އަހަރުގެ ހިންގާ ކޮމެޓީގެ މެމްބަރުންނެވެ. އެގޮތުން، އެމް.އެން.އެސް.ޔޫގެ އެއަހަރުގެ ފުރަތަމަ މީޑިއާ ކޯޑިނޭޓަރ، އަދި ފަހުން އެއަހަރު ޖަމިއްޔާގެ ރައީސްކަމުގެ މަގާމު އަދާކުރެއްވި، މުހައްމަދު ޝާން އާމިރް އާއި އެމް.އެން.ޔޫ.އެސް.ޔޫގެ ކުރީގެ ރައީސް އަރުޝަދު އަޝްރަފް އާއި ހަޒާންދާރު އަބްދުﷲ ޝަހުނީޒް އާއި މީޑިޔާ ކޯޑިނޭޓަރ އައިމިނަތު ޝަމާ މުހައްމަދު ގެ އިތުރުން އެއަހަރު ފަހުކޮޅުގައި ޔުނިވަރސިޓީގެ ކައުންސިލްގެ ދަރިވަރުން ތަމްސީލުކުރާ މެމްބަރެއްގެ ގޮތުގައި އިބްރާހިމް ޤާނިމް ޝާހިދު ބައިވެރިވެލެއްވިއެވެ.
މި ޕްރޮގްރާމުގައި އެމް.އެން.އެސް.ޔޫ ތައާރަފްވެގެން އައިގޮތާއި އެ ޖަމިއްޔާ އުފެއްދުމުގެ ބޭނުންމަށްވެސް ހިންގާ ކޮމެޓީގެ މެމްބަރުން ވަނީ އަލި އަޅުވާލާފައެވެ. އެގޮތުން، މި ޖަމިއްޔާގެ މައިގަނޑު މަގުސަދަކީ ދަރިވަރުންތައް މުޖުތަމައަށް ހޭނެވުމާއި، ޔުނިވާރސިޓީއިން ކިޔަވައި ނިމިގެން ދާއިރު ޤާބިލް،ހުނަރުވެރި ކުދިބަޔަކަށް ދަރިވަރުން ހެދުން ކަމަށް ޔޫނިއަންއިން ބުންޏެވެ.
ތިންވަނަ ސެގްމެންޓުގައި ގެނެސްދީފައިވަނީ، ބީ.އެސް.އެސް.އޭގެ 2019 ވަނަ އަހަރުގެ ހިންގާކޮމެޓީގެ މެމްބަރުންނެވެ. އެގޮތުން، 2019 ވަނަ އަހަރު، ފުރަތަމަ ޓްރެޝަރަރ މަޤާމްގައި ހުރުމަށްފަހު، ފަހުން ވީ.ޕީ އެކްޓިވިޓީސް މަޤާމުކަން އަދާކުރެއްވި އިޒްހާމް އަލީ، މީޑިއާ ކޯޑިނޭޓަރ ފާތިމަތު ޒަހުރާ،ވީ.ޕީ އެކަޑެމިކް މަޖުނާ އަހުމަދު އާއި މަރިޔަމް ރިފްޤާ މުހައިމިން ގެ އިތުރުން،އެއަހަރުގެ ރައީސް އަހުމަދު ޔާސިރު މޫސާ ވަނީ ބައިވެރިވެ ވަޑައިގެންފައެވެ. ކޮމެޓީގެ މެމްބަރުން ފާހަގަ ކުރެއްވި ގޮތުގައި، އެއަހަރު، އެންމެ ކާމިޔާބު ހަރަކާތްތަކަކީ ބީ.އެސް.އެސް.އޭ ފުޓްސެލް ފިއެސްޓާ އާއި ބީ.އެސް ނައިޓްއެވެ. އަދި ހަރަކާތްތައް ހިންގުމުގައި ލީޑަރުންގެ ފަރާތުން ވަރަށް ބޮޑު އެއްބާރުލުމެއް ލިބުނުކަމަށާއި ބީ.އެސް.އެސް.އޭގެ ހަރަކާތްތައް ފުރިހަމަ ކަމާއެކީ ގެންދެވުމުގެ އެންމެ ބޮޑު ދައުރެއް އަދާކުރަނީ ވެސް ލީޑަރުންގެ ފަރާތުން ލިބޭ އެއްބާރިލުން ކަމުގައި ހުރިހާ މެމްބަރުންވެސް އުފަލާއިއެކު ފާހަގަ ކޮށްފައިވެއެވެ. ބީއެސްއެސްއޭ އިން ހިންގާ ހަރަކާތްތަކުގެ އެންމެ ބޮޑު އަމާޒަކީ މުޖުތަމައަށް ހުނަރުވެރި ދަރިވަރުންތަކެއް ނެރެ، ދަރިވަރުންގެ ހުނަރުތައް އިތުރައް ހަރުދަނާކުރުން ކަމަށްވެސް ވަނީ ފާހަގަ ކޮށްފައެވެ.
ކޮންމެ ސެގްމެންޓެއްގައިވެސް މެހެމާނުންނަށް އިންޓަރވިއު ކުރުމުގެ އިތުރުން މެހެމާނުންނާއި އެކު ތަފާތު ގޭމުތަކެއްވެސް ޕްރެސެންޓަރުން ވަނީ ކުރިއަށް ގެންގޮސްފައެވެ.
