އެމް.އެން.ޔޫ ބިޒްނަސް ސުކޫލްގެ 30 ވަނަ އަހަރީ ދުވަސް، މިއަދު 07 އޮކްޓޯބަރ 2021ވީ ބުރާސްފަތި ވަރަށް ކުލަ ގަދަކޮށް ފާހަގަ ކުރަން ފައްޓައިފިއެވެ.
އަހަރީ ދުވަސް ފާހަގަކުރުމުގެ ފުރަތަމަ ހަރަކާތްތައް ކުރިޔައް ގެންގޮސްފައިވަނީ އެމް.އެން.ޔޫ ބިޒްނަސް ސުކޫލްގައެވެ. މިއަދު މި ހަރަކާތް ފައްޓާފައިވަނީ ހެނދުނު 10:00 ގައެވެ.
އަހަރީ ދުވަހުގެ ހަރަކާތްތައް ރާއްވާ އިންތިޒާމް ކުރުމުގައި އެމް.އެން.ޔޫ ބިޒްނަސް ސުކޫލްގެ މުވައްޒަފުންނާއި އަދި ދަރިވަރުންވެސް ވަނީ ހަރަކާތްތެރިވެރިވެފައެވެ.
މިއަދު، އަހަރީ ދުވަހާ ގުޅުވައިގެން ކުރިޔަށް ގެންގޮސްފައިވާ ހަރަކާތްތަކަށް ބަލައިލާއިރު، ކޭކް ފެޅުމާއި، އަދި ޓްރެސަރ ހަންޓް ހިމެނެއެވެ. ކޭކް ފެޅުއްމުގައި، އެމް.އެން.ޔޫ ބިޒްނަސް ސުކޫލްގެ އިސްވެރިން ވަނީ ބައިވެރިވެފައެވެ. އަދި ހަރަކާތުގައި ބައިވެރިވި ބައިވެރިންނަށް ވަނީ ހާއްސަ ފަރީކޮޅެއްވެސް ހަމަޖައްސާފައެވެ.
ޓްރެސަރ ހަންޓް ކުރިޔަށް ގެންގޮސްފައިވަނީ އެމް.އެން.ޔޫ ބިޒްނަސް ސުކޫލްގެ މުވައްޒަފުންނާއި އަދި ދަރިވަރުންގެ މެދުގައެވެ.
މިއަހަރުގައި ބިޒްނަސް ސުކޫލްގެ އަހަރީ ދުވަސް ފާހަގަ ކުރަން ރޭއްވިފައިވަނީ އެކި ދުވަސްތަކަކަށް ބަހައިލައިގެންނެވެ. އެގޮތުން މިއަދު ފުރަތަމަ ހަރަކާތްތައް ކުރިޔަށް ގެންގޮސްފައިވާއިރު، ކުރިޔަށް ހުރި ދުވަސް ތަކުގައި އިތުރު ހަރަކާތްތަކެއްވެސް ބޭއްވިގެންދާނެއެވެ. އެގޮތުން ސްޕޯރޓްސް ޑޭ، އަހަރީ ދުވަހުގެ ޖަލްސާ، ޑިނަރ ނައިޓް ފަދަ ހަރަކާތްތައް ހިމެނެއެވެ.
