މި އަހަރުގައި ބީ.އެސް.އެސް.އޭއިން ކުރިޔަށްގެންދިޔަ ފީފާ ޓޯނަމެންޓް ނިމިއްޖެއެވެ.
އޭޕްރީލް 16 އަދި 17 ގައި ކުރިޔަށް ގެންދިޔަ މި މުބާރާތުގައި ޖުމްލަ 32 ބައިވެރިން ބައިވެރިވެފައިވެއެވެ.
މި މުބާރާތް ކުރިޔަށް ގެންގޮސްފައިވަނީ އެމް.އެން.ޔޫ ބިޒްނަސް ސުކޫލްގައެވެ. ޖުމްލަ 8 ގުރޫޕްއެއް ހިމެނޭ މި މުބާރާތުގައި ކޮންމެ ގުރޫޕްއަކުވެސް 04 ބައިވެރިން ހިމެނެއެވެ. މި ބައިވެރިންތަކުގެ ތެރެއިން، ކޮންމެ ގުރޫޕްއަކުންވެސް 1 ވަނަ އަދި 2 ވަނަ ހޯދާ ބައިވެރިން ނޮކް އައުޓް ސްޓޭޖްގައި ވާދަކުރިއެވެ. ނޮކް އައުޓް ސްޓޭޖްގައި މޮޅުވި ބައިވެރިން ކުއާޓަރގައި ވާދަ ކުރިއެވެ. ކުއާޓަރގައި މޮޅުވި ބައިވެރިން ސެމީ ފައިނަލްގައި މޮޅު ކުޅުމެއްދައްކައި، ފައިނަލް މެޗްގައި ގޮސްފައިވަނީ އިބްރާހިމް ވާސިއު އަލީ އަދި އައިހަމް މުހައްމަދުއެވެ. ފައިނަލް މެޗް، 4-2 ގެ ނަތީޖާއަކުން ކާމިޔާބު ކުރީ އިބްރާހިމް ވާސިއު އަލީއެވެ.
ކޮވިޑް 19 ގެ ސަބަބުން އެއް އަހަރު ދުވަހުގެ މެދުކެނޑުމަކަށްފަހު މިއަހަރުގައި މި މުބާރާތް ބާއްވާފައިވަނީ ހުރިހާ ފެކަލްޓީތަކަށް ހުޅުވާލައިގެންނެވެ. ގިނަ ދަރިވަރުންގެ ޝައުޤުވެރިކަން ލިބިގެންދިވެސްމެއެވެ. މުބާރާތުން ޗެމްޕިއަންކަން ހޯދި ކުއްޖާއަށް ފައިސާގެ އިނާމާއި އަދި ގިފްޓް ހެމްޕާރއެއް ލިބިގެން ދިޔައިރު، ރަނަރަޕް ކުޅުންތެރިޔާއަށް ގިފްޓް ލިބިގެންދިޔައެވެ. ބީ.އެސް.އެސް.އޭގެ އުންމީދަކީ މިކަހަލަ މުބާރާތްތައް ކުރިޔަށް އޮތްތަނުގައިވެސް ބޭއްވިގެންދިޔުމެވެ.
