އެމް.އެން.ޔޫ ބިޒްނަސް ސުކޫލްގެ ލެކްޗަރާއިންނާއެކު ބީ.އެސް.އެސް.އޭ އިން މިއަހަރުގެ ޓީޗަރުންގެ ދުވަސް ފާހަގަކޮށްފި އެވެ.
މި ހަރަކާތް އެމް.އެން.ޔޫ ބިޒްނަސް ސުކޫލްގައި ބޭއްވިފައިވާއިރު، ބީ.އެސް.އެސް.އޭގެ ފަރާތުން ލެކްޗަރާއިންނަށް ކުޑަ ހަދިޔާއެއް ދިނެވެ. އަދި ޓީޗަރުންގެ ދުވަހުގެ ކޭކު ފެޅުމާއި އަދި ޓްރެސަރ ހަންޓް ގޭމެއް ވެސް ކުޅެވިގެންދިޔައެވެ. ކޭކު ފެޅުމާއި އަދި ޓްރެސަރ ހަންޓްގައި އެމް.އެން.ޔޫ ބިޒްނަސް ސުކޫލްގެ ލެކްޗަރާއިންނާއި އަދި މެނޭޖްމެންޓް ޓީމުން ވެސް ބައިވެރިވިއެވެ. މި ހަރަކާތް ކުރިޔަށް ގެންގޮސްފައިވަނީ 5 އޮކްޓޯބަރ 2021 ވީ، އަންގާރަ ދުވަހު ހަވީރުގައެވެ.
ލެކްޗަރާއިންނާއި މުޙާތަބުކޮށް ބީ.އެސް.އެސް.އޭގެ ރައީސް ވަނީ ހުރިހާ ލެކްޗަރާއިންނަށްވެސް ޓީޗަރުންގެ ދުވަހުގެ ތަހުނިޔާ އަރިސްކޮށްފައެވެ. އަދި އެބޭފުޅުންގެ ބުރަ މަސައްކަތްތަކަށް ޝުކުރު އަދާކޮށް އަދި އެބޭފުޅުންގެ ދަރިވަރުންނަށްވީތީ، އެކަމާއިމެދު ފަޚުރުވެރިވާކަންވެސް ވަނީ ފާހަގަކޮށްފައެވެ.
ޓީޗަރުންގެ ދުވަހަކީ ކޮންމެ އަހަރެއްގެވެސް 5 އޮކްޓޯބަރ ގައި ފާހަގަކުރަމުންގެންދާ ދުވަހެކެވެ. މި ދުވަހަކީ ޓީޗަރުންގެ އަގުވަޒަން ކުރުމުގެ ގޮތުން އެކި ސުކޫލްތަކާއި އަދި ޔުނިވާރސިޓީ/ކޮލްޖްތަކުގައި ފާހަގަ ކުރާ ދުވަހެއްވެސް މެއެވެ.
