ޗެމްޕިއަން ޓީމާއެކު ބިޒްނަސް ސުކޫލްއިން އިންޓަރ ފެކަލްޓީ ވޮލީ ބޯލް މުބާރާތުގެ ކާމިޔާބީ ފާހަގަކޮށްފި!

އެމް.އެން.ޔޫ.އެސް.ޔޫއިން އިސްނަގައިގެން ބޭއްވި އިންޓަރ ފެކަލްޓީ ވޮލީ ބޯލް މުބާރާތުގެ ޗެމްޕިއަންކަން އެމް.އެން.ޔޫ ބިޒްނަސް ސުކޫލްގެ އަންހެން ޓީމް ކާމިޔާބު ކުރުމާއި ގުޅިގެން، ޓީމަށް މަރުޙަބާ ކިޔައިފިއެވެ.

03 އޮކްޓޯބަރ 2021 ވީ، އާދިއްތަ ދުވަހު ބޭއްވުނު މިޙަރަކާތުގައި، ޓީމުގެ ކާމިޔާބީ ފާހަގަ ކުރުމަށް ޙާއްސަ ކޭކެއް ފެޅުން އޮތެވެ. މި ކޭކް ފެޅުމުގައި އަންހެން ޓީމްގެ މެމްބަރުންނާއި، ކޯޗާއި، އޮފިސަލުންނާއި، އަދި އެމް.އެން.ޔޫ ބިޒްނަސް ސުކޫލްގެ މެނޭޖްމެންޓްއިންވެސް ބައިވެރިވިއެވެ.

މިއަހަރުގެ މުބާރާތަށް، އެމް.އެން.ޔޫ ބިޒްނަސް ސުކޫލްއިން ތައްޔާރުވީ އެންމެ ފަހުން ބޭއްވި މުބާރާތުން ލިބުނު ނާކާމިޔާބީ ހަދާން ނައްތާލާ، އާ އަޒުމަކާ ހިތްވަރަކާއެކުގައެވެ.

މިއަހަރުގެ މުބާރާތް ކާމިޔާބު ކުރުމާއި ގުޅިގެން، އެމް.އެން.ޔޫ ބިޒްނަސް ސުކޫލްގެ ޑީން ވަނީ އަންހެން ޓީމަށާއި އަދި ކޯޗުކަން ކޮށްދެއްވި ޞަފްވާން އަޙުމަދުއަށާއި އަދި ޓީމުގެ އޮފިސަލުންއަށް ޙާއްސަ ޝުކުރެއް އަދާކުރައްވާފައެވެ.

މި ޙަރަކާތުގައި އަންހެން ވޮލީ ބޯލް ޓީމްގެ އިތުރުން ބީ.އެސް.އެސް.އޭގެ މިއަހަރުގެ ހިންގާ ކޮމެޓީގެ މެމްބަރުންވެސް ވަނީ ބައިވެރިވެފައެވެ.

ކޯޗާއި މެނޭޖަރުންވެސް، އަދި މުބާރާތުގެ ބައިވެރިން ކުރެއްވި މިންނެތް މަސައްކަތާއި، އެމް.އެން.ޔޫ ބިޒްނަސް ސުކޫލްގެ ފަރާތުން ލިބުނު އެއްބާރުލުމާއި އެހީތެރިކަން، ޝުކުރުވެރިކަމާއެކު ބަލައިގަނެ ޙަރަކާތުގައި އެކަން ފާހަގަކުރިއެވެ.