ބީ.އެސް.އެސް.އޭއިން އިންތިޒާމް ކޮށްގެން ބާއްވަމުން އަންނަ ބީ.އެސް ނައިޓް، މިއަހަރުގައިވެސް ބޭއްވުމަށް ވަނީ ހަމަޖެހިފައެވެ.
އަހަރު ދުވަހުގެ މެދުކެނޑުމަކަށްފަހު، މިއަހަރުގައި ބީ.އެސް ނައިޓް ކުރިޔަށް ގެންދަން ހަމަޖެހިފައިވަނީ 26 ނޮވެމްބަރ 2021 ވާ ހުކުރު ދުވަހުގެ ރޭގަނޑުގައެވެ. މިއަހަރުގެ ބީ.އެސް ނައިޓްގެ ތީމްއަކީ ”ފެއަރީ ޓޭލް“ އެވެ. މި ޙަރަކާތް ކުރިޔަށްދާނީ އެމް.އެން.ޔޫ ބިޒްނަސް ސުކޫލްގެ އޮޑިޓޯރިއަމްގައެވެ.
އެމް.އެން.ޔޫގެ ހުރިހާ ފެކަލްޓީތަކަށް ބައިވެރިވުމުގެ ފުރުސަތު ހުޅުވާލެވިގެންދާ މި ޙަރަކާތުގައި، ކޮންމެ ފެކަލްޓީއަކަށްވެސް ބޭނުންވާ އައިޓެމްއެއް ހުށައެޅޭނެއެވެ. އޭގެ ތެރޭގައި ޑްރާމާ، ނުވަތަ ލަވައެއް ކިޔުން ނުވަތަ ނެށުމުގެ ޙަރަކާތެއްވެސް ހުށައެޅިދާނެއެވެ. ކޮންމެ ފެކަލްޓީއަކަށްވެސް، އެފެކަލްޓީއެއް ހުށައަޅާ ޙަރަކާތެއް ހުށައެޅޭނީ 10 މިނެޓްގެ ދިގު މިނަކަށެވެ.
ބީ.އެސް ނައިޓްއަކީ އަބަދުވެސް ބީ.އެސް.އެސް.އޭއިން ވަރަށް ފޯރިގަދަކޮށް ކުރިޔަށް ގެންދާ ހަރަކާތެކެވެ. މިއަހަރުގައިވެސް ބީ.އެސް ނައިޓްއަކީ ވަރަށް ތަފާތު އަދި ފޯރިގަދަކޮށް ދާނެ ހަރަކާތަކަށް ވާނެ ކަމަށް ވަރަށް ބޮޑަށް އުންމީދު ކުރެވެއެވެ.