ބީ.އެސް.އެސް.އޭ އަށް އަލަށް ގުޅުނު ލީޑަރުންނަށް އަމާޒުކޮށް މިއަހަރުވެސް ލީޑާސް ކޮންވީން ބާއްވައިފިއެވެ.
މި ހަރަކާތް ކުރިއަށް ގެންދެވުނީ 11 މާރިޗް 2022 ވީ ހުކުރު ދުވަހުގެ ހަވީރު ބިޒްނަސް ސްކޫލުގެ ސެމިނަރ ރޫމް ގައެވެ. ބީ.އެސް.އެސް.އޭ ގެ އެކްސްކޯ ގެ އިތުރުން ކުރީގެ އެކްސްކޯ ތަކުންނާއި ބީ.އެސް.އެސް.އޭ ގެ ލީޑަރުން ވަނީ ބައިވެރިވެފައެވެ.
މި ހަރަކާތުގައި ބީ.އެސް.އެސް.އޭ އަށް އަލަށް ގުޅުނު ލީޑަރުންނަށް، ލީޑާސް ގުރޫޕްގެ ތައާރަފެއް ވަނީ ދީފައެވެ. އަދި މުނިފޫހިފިލުވުމުގެ ގޮތުން ތަފާތު ކުޅިވަރުތައް ކުޅެވިގެން ދިޔައެވެ. މީގެ އިތުރުން އައު ލީޑަރުންނާއި މިހާރުގެ ލީޑަރުންގެ މެދުގައި ވާހަކަ ދެކެވި ޢެކުވެރިކަން އާލާ ކުރެވިގެން ދިޔައެވެ.
ބީ.އެސް.އެސް.އޭ ގެ ހަރަކާތްތައް ކުރިޔަށް ގެންދިޔުމުގައި ކޮންމެ އަހަރަކުވެސް އައު ލީޑަރުން ގުޅުމީ ކުރިޔަށް ގެންދިޔުމުގައި އިތުރު ހިތްވަރެއް ލިބި ދަރިވަރުންނަށް ތަފާތު ތަޖުރިބާތަކެއް ލިބިގެންދާ ކަމެކެވެ.
