އެމް.އެން.ޔޫ ބިޒްނަސް ސްކޫލް ސްޓޫޑެންޓް އެސޯސިއޭޝަން (ބީ.އެސް.އެސް.އޭ) އިން ރަމަޟާން މަހަށް ހާއްސަ ކޮށްގެން
މިދިޔަ އަހަރު މުޅިން އަލަށް ފެށި ބީ.އެސް.އެސް.އޭ ސްޓޫޑިއޯ ގެ ސީޒަން 2 ގެ ފުރަތަމަ އެޕިސޯޑު ނިންމާލައިފިއެވެ.
ބީ.އެސް.އެސް.އޭ ސްޓޫޑިއޯ ސީޒަން 2 ގެ ހުރިހާ އެޕިސޯޑުތައް އެމް.އެން.ޔޫ ބިޒްނަސް ސްކޫލް ސްޓޫޑެންޓް އެސޯސިއޭޝަން (ބީ.އެސް.އެސް.އޭ) ގެ ފޭސްބުކް ޕޭޖް އިން ގެނެސްދޭނެއެވެ.
މި ޕްރޮގްރާމް ކުރިން އަހަރާ ބަލާއިރު މިއަހަރު ވަރަށް ތަފާތުވެގެންދާނެއެވެ. ތަފާތު މަޖާ ސެގްމެންޓް ތަކާއެކު ކުރިޔަށްގެންދެވިގެންދާއިރު އެމް.އެން.ޔޫ.އެސްޔޫ އަދި ބީ.އެސް.އެސް.އޭ އިން ކުރިޔަށް ގެންދާ ހަރަކާތްތަކުގެ މައުލޫމާތުވެސް މި ޕްރޮގްރާމް މެދުވެރިކޮށް ހިއްސާކުރެވިގެންދާނެއެވެ.
މި ޕްރޮގްރާމްގެ ފުރަތަމަ އެޕިސޯޑް ފެށިގެން ދިޔައީ ވަން އޮން ވަން ސެގްމެންޓުންނެވެ. މި ސެގްމެންޓްގައި ފެނިގެން ދިޔައީ ބީ.އެސް.އެސް.އޭ ގެ ދެ ލީޑަރުންނެވެ. ތަފާތު ސުވާލުތަކަކާއެކު ކުރިޔަށްގެންދެވުނީ ބެލުންތެރިންގެ މުނިފޫހި ފިލައިގެންދާނެފަދަ ގޮތަކަށެވެ.
މި އެޕިސޯޑްގެ ދެވަނަ ސެގްމެންޓްގައި ބައްދަލުކޮށްލީ އެމް.އެން.ޔޫ.އެސް.ޔޫ ގެ 7 ވަނަ ދައުރުގެ ރައީސް މުހައްމަދު ޝާން އާމިރު އަދި 9 ވަނަ ދައުރުގެ ރައީސް ޢަބްދުﷲ ޝަހުނީޒް އާއެވެ. ޝާން ވިދާޅުވީ އެއްވެސް އިރެއްގައި ޔޫނިއަން ގެ ރައީސް ކަމުގެ މަގާމް ހޯދުމުގެ ނިޔަތުގައި މަސައްކަތް ކޮށްފައި ނުވާނެ ކަމަށެވެ. އަދި ހަގީގަތުގައި މަގާމްތަކަށް އެރިގެން މިދަނީ ލީޑާޝިޕް ރަނގަޅުވެ އަދި ދަރިވަރުންގެ މަސައްކަތުގެ ފެންވަރުވެސް ރަނގަޅުވެގެން ކަމެވެ. ކޮންމެ ކުއްޖަކުވެސް ބުރަ މަސައްކަތް ކޮށްފިނަމަ ކޮންމެ ކަމެއް އަދި ކޮންމެ މަގާމެއްގެ ޒިންމާވެސް އުފުލިގެންދާނެކަމަށް މި ޕްރޮގްރާމްގައި ޝާން ވަނީ ވިދާޅުވެފައެވެ. މީގެ އިތުރުން 9 ވަނަ ދައުރުގެ ރައީސް ޢަބްދުﷲ ޝަހުނީޒް ވިދާޅުވީ އެންމެ ބޮޑު ގޮންޖެހުމަކަށްވެގެން ދިޔައީ އެދުވަސްވަރަކީ ކޮވިޑްގެ ވަބާ ފެތުރިގެން ގޮސްފައިވާ ދުވަސްވަރުކަމަށް ވުމާއެކު ވަރަށް ގިނަ ލީޑަރުންތަކެއް ދޫކުރަން ޖެހުމާއިއެކު ގިނަ ހަރަކާތްތަކެއް ވަރަށް ޓައިޓްކޮށް ހިންގަން ޖެހުމެވެ. މިދެ ބޭފުޅުން މިހާރު މަސައްކަތްކުރަމުން ގެންދަވަނީ އެމް.އެން.ޔޫ.އެސް.ޔޫ ގެ އެޑްވައިޒަރީ ބޯޑުގައެވެ. މގާމެއްގައި ހުއްޓަސް އަދި ނެތަސް އެންމެ މުހިންމު ކަމަކީ ދަރިވަރުން ކުރާ މަސައްކަތް ކަންވެސް މި ފުރުސަތުގައި ޝާން ފާހަގަކޮށްލިއެވެ. މީގެ އިތުރުން ޝަހުނީޒް ވިދާޅުވީ ޔުނިވާސިޓީ ހަޔާތުގައި އިތުރު ހަރަކާތްތަކުގައި ބައިވެރިވުން ވަރަށް މުހިންމުކަމެވެ. ސަބަބަކީ އިތުރު ތަޖުރިބާތަކުގެ އިތުރުން ކިޔެވި އެއްޗެއްގެ ބޭނުން ހެޔޮގޮތުގައި ހިފިގެން ދާނެކަމެވެ.
ތިންވަނަ ސެގްމެންޓްގައި ގެންސްދީފައިވަނީ، ބީ.އެސް.އެސް.އޭގެ މިހާރުގެ ރައީސް އަހްމަދު ޝާހީގެ އިންޓަވިއުއެކެވެ. ޝާހީ ވިދާޅުވީ ކޮންމެ ކުއްޖަކުވެސް މަސައްކަތްކޮށްފިނަމަ ނޭރޭނެ މަގާމެއް ބި.އެސް.އެސް.އޭ އަދި ސްޓޫޑެންޓް ޔޫނިއަން ގައިވެސް ނޯންނާނެކަމެވެ.
ފަހު ސެގްމެންޓް އެއްގެ ގޮތުގައި ކުރިޔަށްގެންގޮސްފައިވަނީ ގޭމް ސެގްމެންޓެވެ. މި ސެގްމެންޓްގައި ތަފާތު ގޭމްތަކެއް ވަނީ ބީ.އެސް.އެސް.އޭގެ ލީޑަރުންގެ މެދުގައި ވާދަވެރިކޮށް ކުޅެވިގެންގޮސްފައެވެ.
މި ޕްރޮގްރާމް ގެ ދެވަނަ އެޕިސޯޑު 20 އޭޕްރީލް ވާ ބުދަ ދުވަހުގެރޭ ބީ.އެސް.އެސް.އޭ ގެ ފޭސްބުކް ޕޭޖްއިން ގެނެސްދެވިގެންދާނެއެވެ.
