ބިޒްނަސް ސްކޫލް ސްޓޫޑެންޓް އެސޯސިއޭޝަން (ބީ.އެސް.އެސް.އޭ) އިން ކޭ.ޕީ.އެމް.ޖީ އާއި ގުޅިގެން ދަރިވަރުންނަށް މައުލޫމާތުދޭ ސެޝަން އެއް ކުރިއަށް ގެންގޮސްފިއެވެ.
26 މާރިޗް 2022 ވީ ހޮނިހިރު ދުވަހުގެރޭ އެމް.އެން.ޔޫ ބިޒްނަސް ސްކޫލް ސެމިނަރ ރޫމްގައި ބޭއްވިގެން ދިޔަ މި ސެޝަންއަކީ ބިޒްނަސް ސްކޫލް މެނޭޖްމެންޓާ ގުޅިގެން ކުރިޔަށް ގެންދެވުނު މައުލޫމާތުދިނުމުގެ ސެޝަންއެކެވެ.
މި ސެޝަންގައި މައުލޫމާތު ދެއްވާފައިވަނީ ކޭ.ޕީ.އެމް.ޖީ ގެ ޕާޓްނާ ޑުމިންޑާ ރަތްނަޑިވަކަރާ އަދި އެސިސްޓެންޓް މެނޭޖަރ ނިޝާތު ޒާދީގެ އިތުރުން އޮޑިޓް އެސޯސިއޭޓް ޖައުޝަން އަހްމަދެވެ.
މި މައުލޫމާތު ސެޝަން ބޭއްވުނީ ބެޗްލަރސް އޮފް އެކައުންޓިންގް އެންޑް ފައިނޭންސްގެ ދަރިވަރުންނަށް ހާއްސަ ކޮށްގެންނެވެ. އެހެންނަމަވެސް ދިވެހިރާއްޖޭގެ ގައުމީ ޔުނިވާސިޓީ (އެމް.އެން.ޔޫ) ގެ ހުރިހާ ދަރިވަރުންނަށް މި ސެޝަންގައި ބައިވެރިވުމުގެ ފުރުސަތު ވަނީ ހުޅުވާލާފައެވެ.
މި ސެޝަންގައި ކެރިޔަރ ގައިޑޭންސް ގެ އިތުރުން އެކައުންޓިންގް ދާއިރާގައި ހުރި ފުރުސަތުތަކާއި ބެހޭގޮތުންވެސް މި ބޭފުޅުން މައުލޫމާތުދެއްވިއެވެ. މީގެއިތުރުން ކޭ.ޕީ.އެމް.ޖީ ގެ ޓްރެއިނިންގް ޕްރޮގްރާމް ތަކުގައި ބައިވެރިވުމުގެ ފުރުސަތުތައް އޮތްކަމަށްވެސް ކޭ.ޕީއެމް.ޖީގެ ޕާޓްނަރ ވަނީ ވިދާޅުވެފައެވެ.
މި ސެޝަންގައި އެޕްލިކޭޝަން ފޮނުވާނެ ގޮތްތައްވެސް ދަރިވަރުންނާ ހިއްސާކުރެވިގެންދިޔައެވެ.
