ބިޒްނަސް ސްކޫލް ސްޓޫޑެންޓް އެސޯސިއޭޝަން (ބީ.އެސް.އެސް.އޭ) ގެ ފަރާތުން އެމް.އެން.ޔޫ.އެސް.ޔޫ ފުޓްސަލް ފިއެސްޓާގައި ވާދަ ކުރާ ޓީމަށް ކެޕްޓަން މޯލްޑިވްސްއާއި އައި ކެއާއިން ސްޕޮންސަރ ހަމަޖެހިއްޖެއެވެ.
ޓީމުގެ މެއިން ސްޕޮންސަރ – ކެޕްޓަން މޯލްޑިވްސްއާއި އެކު ބީ.އެސް.އެސް.އޭއިން ވެފައިވާ އެއްބަސްވުމުގައި ވާގޮތުން ކެޕްޓަން މޯލްޑިވްސްއިން ޓީމުގެ ޖާޒީ ހަދައިދެއެވެ. އެގޮތުން އެމް.އެން.ޔޫ.އެސް.ޔޫ ފުޓްސަލް ފިއެސްޓާގައި ބީ.އެސް.އެސް.އޭގެ ފަރާތުން ބައިވެރިވާ ދެ ޓީމުގެ ޖާޒީވެސް ސްޕޮންސަކޮށްދީފައިވަނީ ކެޕްޓަން މޯލްޑިވްސްއިންނެވެ.
ޓީމުގެ މެއިން ސްޕޮންސަރަކަށް ހަމަޖެހިފައިވާ ކެޕްޓަން މޯލްޑިވްސްގެ އިޝްތިހާރުތައް ބީ.އެސްގައި ހުންނަ ޓީވީން ދެއްކުމަށް ވަނީ ހަމަޖެހިފައެވެ.
ބީ.އެސް.އެސް.އޭ ފުޓްސަލް ޓީމުގެ ކޯ ސްޕޮންސަރ – އައި ކެއާއިން ވަނީ ޓީމަށް މާލީ އެހީތެރިކަން ފޯރުކޮށްދީފައެވެ. އައި ކެއާއާއި އެކު ބީ.އެސް.އެސް.އޭއިން ހަދާފައިވާ އެއްބަސްވުމުގައިވާ ގޮތުން ބީ.އެސް.އެސް.އޭއިން އައި ކެއާ ޕްރޮޑަކްޓްތައް ބީ.އެސް.އެސް.އޭގެ ސޯޝަލް މީޑިއާ އެކައުންޓްތަކުގައި ޕްރޮމޯޓްކޮށްދޭނެއެވެ.
ބީ.އެސް.އެސް.އޭއިން ކެޕްޓަން މޯލްޑިވްސް އަދި އައި ކެއާ އާއި އެކު ވެފައިވާ އެއްބަސްވުމުގައި އެ ދެ ސްޕޮންސަރުންގެ އިޝްތިހާރުތަކަށް މީހުން ބޭނުންވެއްޖެނަމަ ބީ.އެސް.އެސް.އޭއިން ކުދިން ހަމަޖައްސައިދޭނެއެވެ. އަދި ފުޓްސަލް މުބާރާތް ތެރޭގައި ބީ.އެސް.އެސް.އޭއިން ކުރާ ޕޯސްޓްތަކުގައި ދެ ސްޕޮންސަރުންގެ ލޯގޯއާއި ނަންވެސް ބޭނުން ކުރާނެއެވެ.
މިދިޔަ އަހަރު ބޭއްވި އެމް.އެން.ޔޫ.އެސް.ޔޫ ފުޓްސަލް މުބާރާތުގައި ބައިވެރިވި ބީ.އެސް.އެސް.އޭ ޓީމުގެ މެއިން ސްޕޮންސަރަކީވެސް ކެޕްޓަން މޯލްޑިވްސްކަން ފާހަގަކޮށްލަމެވެ.
