މޯލްޑިވްސް ސްޓޮކް އެކްސްޗޭންޖް (އެމް.އެސް.އީ) އާއި އެމް.އެން.ޔޫ ބިޒްނަސް ސްކޫލް ސްޓޫޑެންޓް އެސޯސިއޭޝަން (ބީ.އެސް.އެސް.އޭ) ގުޅިގެން އިންވެސްޓާ ވީކް ފާހަގަ ކުރުމަށް ”އިންވެސްޓާ ފެސްޓް – އިގްނައިޓިން ފައިނޭންޝަލް ފިއުޗާސް“ގެ ނަމުގައި ހަރަކާތެއް ބާއްވައިފި އެވެ.
އެމް.އެން.ޔޫ ބީ.އެސްގައި މިދިޔަ ހޮނިހިރު ދުވަހު ހެނދުނު ކުރިއަށް ދިޔަ މި ހަރަކާތަކީ ދެ ބަޔަކަށް ބަހާލައިގެން ކުރިއަށް ގެންދިޔަ ހަރަކާތެކެވެ. އެގޮތުން ފުރަތަމަ ކުރިއަށް ގެންގޮސްފައިވަނީ ’ސަސްޓެއިނަބަލް ފައިނޭންސް އޮން އޭން އިންޑިވިޖުއަލް ލެވެލް‘ ގެ ނަމުގައި ކުރިއަށް ގެންދިޔަ ޕެނަލް ޑިސްކަޝަން އެކެވެ. މި ޕެނަލް ޑިސްކަޝަންގައި ފިނޭންސް މިނިސްޓްރީ، ޔޫއެންޑީޕީ، ޕެންޝަން އޮފީސް އަދި ސީއެމްޑީއޭގެ ޕެނަލިސްޓުން ވަނީ ބައިވެރިވެފަ އެވެ.
އިންވެސްޓާ ފެސްޓްގައި ދެން ކުރިއަށް ގެންގޮސްފައިވަނީ ވިމެން އިން ޓެކް މޯލްޑިވްސް ޖަމިއްޔާއާއި ގުޅިގެން ފިނޮވޭޝަން ޗެލެންޖް ލޯންޗް ކުރުމެވެ.
މި ޗެލެންޖަކީ ރަށްރަށުގެ މުޖުތަމައުތަކުގައި ވަކި ބޭނުންތަކާއި ހުރަސްތަކަށް ހައްލު ހޯދައިދޭނެ އީޖާދީ އަދި ޕްރެކްޓިކަލް ޑިޖިޓަލް ފައިނޭންސް ހައްލުތަކެއް ހޯދައިދިނުމަށް ލޯންޗް ކުރި ޗެލެންޖެކެވެ. މި ޗެލެންޖަށް މިހާރުވެސް ރަޖިސްޓާ ކުރެވޭނެ އެވެ.
ފިނޮވޭޝަން ޗެލެންޖަށް ރަޖިސްޓާ ކުރުމަށް ތިރީގައިވާ ލިންކަށް ފިތާލައްވާ
maldivesstockexchange | Twitter, Instagram, Facebook | Linktree
YearofTrading #AhannakyvesInvestareh
އެމް.އެސް.އީ އާއި ބީ.އެސް.އެސް.އޭއާއި ގުޅިގެން ކުރިއަށް ގެންދިޔަ މި ހަރަކާތުގައި އިލްމީ ގޮތުން ގިނަ މައުލޫމާތުތަކެއް ޔުނިވާސިޓީ ދަރިވަރުންނަށް ވަނީ ހިއްސާކޮށްފަ އެވެ.
