ބިޒްނަސް ސްކޫލް ސްޓޫޑެންޓް އެސޯސޮއޭޝަން (ބޭ.އެސ.އެސް.އޭ) އިން އިންތިޒާމު ކޮށްގެން ބޭއްވި ރޯދަ ވީއްލުން ކާމިޔާބު ކަމާއެކު ނިންމާލައިފިއެވެ.
މާރިޗް 2024 ވީ ބުރާސްފަތި ދުވަހު ބިޒްނަސް ސްކޫލުގައި ބޭއްވި މި ރޯދަ ވީއްލުމުގައި ގިނަ ދަރިވަރުންނާއި ބިޒްނަސް ސްކޫލުގެ ލެކްޗަރާއިން ވަނީ ބައިވެރިވެފައެވެ. އަދި ދަރިވަރުންގެ ޔޫނިއަންގެ ހިންގާ ކޮމެޓީގެ މެމްބަރުންނާއި އެޑްވައިޒަރީ ބޯޑު މެމްބަރުން ވަނީ ބައިވެރިވެފައެވެ.
މި ހަރަކާތް ކާމިޔާބު ކަމާއެކު ނިންމާލުމުގައި ބޭ.އެސް.އެސް.އޭ ގެ އިސްވާރުންގެ ފަރާތުންވަނީ ވަރަށް ބޮޑު އެއްބާރުލުމެއް ލިބިފައެވެ. އެގޮތުން މި ރޯދަ ވީއްލުމަށް އިސްވާރުން ވަނީ ގިނަ އައިޓަމްތައް ތައްޔާރުކޮށްދީފައެވެ.
މި ހަރަކާތުގެ މައިގަނޑު މަގުސަދަކީ ދަރިވަރުންނާއި، ސްޓާފުން އަދި ލެކްޗަރާއިން އެއްތާކުން ދިމާވެ ގުޅުން ބަދަހި ކުރުމެވެ.
މި ހަރަކާތައް ލިބުނު ތަރުހީބު ވެގެންގޮސްފައި ވަނީ ބީ.އެސް.އެސް.އޭގެ އެކްސްކޯއަށާއި އިސްވާރުންނަށް ކުރިއަށް ހުރި ހަރަކާތްތައް އިތުރަށް ފުޅާކޮށް, ރަނގަޅުކުރުމަށް ލިބުނު ހިތްވަރަކަށެވެ. ބީ.އެސް.އެސް.އޭގެ އުންމީދަކީ ކުރިއަށް ހުރި ހަރަކާތްތަކަށް މިއަށްވުރެވެސް ބޮޑު ތަރުހީބެއް ލިބިގެން ދިއުމެވެ.
