ބިޒްނަސް ސުކޫލް ސްޓޫޑަންޓް އެސޯސިއޭޝަން (ބީ.އެސް.އެސް.އޭ) އިން މިއަހަރު ކުރިޔަށް ގެންދިޔަ 3 ވަނަ އެމް.އެން.ޔޫ.އެސް.ޔޫ – ބީ.އެސް.އެސް.އޭ ފީފާ ޓޯނަމެންޓް ނިންމާލައިފިއެވެ.
މި މުބާރާތް ބޭއްވިގެން ދިޔައީ ހުރިހާ ފެކަލްޓީއަކަށް ހުޅުވާލައިގެންނެވެ. މިމުބާރާތުގައި ގިނަ ދަރިވަރުންތަކެއް ވަނީ ބައިވެރިވެފައެވެ.
މާރިޗު 23 އިން 28 އާ ހަމައަށް ކުރިޔަށްގެންދިޔަ މި މުބާރާތުގައި އިންޑިވިޖުއަލް ގެ ފިރިހެން އަދި އަންހެން ޑިވިޝަންގެ އިތުރަށް ޓީމް އިވެންޓްއެއްވެސް ވަނީ ކުރިޔަށް ގެންގޮސްފައެވެ. އިންޑިވިޖުއަލް ފިރިހެން ޑިވިޝަން އިން 52 ބައިވެރިން ބައިވެރިވިއިރު، އަންހެން ޑިވިޝަން އިން ބައިވެރިވީ 03 ބައިވެރިންނެވެ. އަދި އަލަށް ތަޢާރަފް ކުރި ޓީމް އިވެންޓްގައި ޖުމްލަ 7 ޓީމްއެއް ވަނީ ބައިވެރިވެފައެވެ.
މިމުބާރާތް ކުރިޔަށް ގެންދެވުނީ އެމް.އެން.ޔޫ ބިޒްނަސް ސުކޫލް ގައެވެ. މި މުބާރާތުގައި ފިރިހެން ޑިވިޝަން ކުރިޔަށް ގެންގޮސްފައިވަނީ ނޮކްއައުޓް އުސޫލުންނެވެ. އަންހެން ޑިވިޝަން ކުރިޔަށް ގެންގޮސްފައިވަނީ ލީގް އުސޫލުންނެވެ. ޓީމް އިވެންޓް ކުރިޔަށް ގެންގޮސްފައިވަނީ ގްރޫޕް ސްޓޭޖް ގޮތަށެވެ. އެގޮތުން 02 ގުރޫޕްއަށް ޓީމްތައް ބަހާލުމަށް ފަހު ކޮންމެ ގުރޫޕަކުން އެންމެ މަތިން ޕޮއިންޓް ހޯދާ 02 ޓީމް ސެމީ ފައިނަލްގައި ވާދަކުރާގޮތަށް ކުރިއަށް ގެންދެވުނުއިރު، ކޮންމެ ބައެއްގައިވެސް 03 ވަނަ ފަރާތާއި، ރަނަރއަޕް އާއި، އަދި ޗެމްޕިއަން މަޤާމު ވަނީ ހޮވާފައެވެ.
ފިރިހެން ޑިވިޝަންގެ 03 ވަނަ ހޮވި މެޗްގައި ވާދަ ކުރީ އިސްމާއިލް އަމަން އަދި އަހްމަދު ރުޝްދާންއެވެ. މިމެޗް، 5 – 2 އިން ކާމިޔާބު ކޮށްފައިވަނީ އިސްމާއިލް އަމަން އެވެ. ފައިނަލް މެޗްގައި ވާދަ ކުރީ އަހްމަދު އިފްލާހް ސަލީމް އަދި އިބްރާހިމް އަމްރާން އުމަރެވެ. މިމެޗް 2 – 1 އިން ކާމިޔާބުކޮށް ޖެހިޖެހިގެން ދެވަނަ ފަހަރަށް މިމުބާރާތް އަހްމަދު އިފްލާހް ސަލީމް ވަނީ ކާމިޔާބު ކޮށްފައެވެ. އަންހެން ޑިވިޝަނުން ތިންވަނަ ހޯދާފައިވަނީ ޖަފްނާ އީސާ އެވެ. ފައިނަލް މެޗް ގައި ވާދަ ކުރީ އައިޝަތު ލައިސާ އަހްމަދު އަދި ޝިޒްލީންއެވެ. މިމެޗް 5 – 2 އިން ކާމިޔާބު ކުރީ އައިޝަތު ލައިސާ އަހްމަދެވެ.
އަލަށް ތައާރަފް ކުރެވުނު ޓީމް އިވެންޓްގައި ގުރޫޕް އޭއިން ސެމީއަށް ގޮސްފައިވަނީ އެމް.އެން.ޔޫ.ބީ.އެސް އަދި އެފް.އެޗް.އެސް އެވެ. ގުރޫޕް ބީ އިން ސެމީއަށް ގޮސްފައިވަނީ އެސް.އެމް އާއި އަދި އެފް.އޭ އެވެ. ސެމީގެ ފުރަތަމަ މެޗްގައި އެމް.އެން.ޔޫ.ބީ.އެސް އާއި އެފް.އޭ ވާދަކުރިއިރު، ސީދާ ދެމެޗްއިން މޮޅުވެ ފައިނަލްއަށް ގޮސްފައިވަނީ އެމް.އެން.ޔޫ.ބީ.އެސް އެވެ. ސެމީ ދެވަނަ މެޗްގައި އެސް.އެމް އާއި އަދި އެފް.އެޗް.އެސް ވާދަކުރިއިރު 2 – 1 މެޗްއިން މޮޅުވެގެން ފައިނަލް ޖާގަ ކަށަވަރު ކޮށްފައިވަނީ އެފް.އެޗް.އެސް އެވެ. 03 ވަނަ ހޮވި މެޗްގައި އެސް.އެމް އާއި އަދި އެފް.އޭ ވާދަކޮށް 2 – 1 މެޗްއިން މޮޅުވެފައިވަނީ އެފް.އޭ އެވެ. ފައިނަލް މެޗްގައި އެމް.އެން.ޔޫ.ބީ.އެސް އަދި އެފް.އެޗް.އެސް ވާދަކޮށް 2 – 1 މެޗްއިން މޮޅުވެ ޗެމްޕިއަންކަން ހޯދާފައިވަނީ އެފް.އެޗް.އެސް އެވެ.
މި މުބާރާތުގެ އެކި ވަނަތަކަށް ހޮވުނު ބައިވެރިންނާއި ޓީމުތަކަށް ޓްރޮފީ ހަވާލުކޮށްފައިވަނީ 28 މާރިޗު (ބުރާސްފަތި) ވީ ދުވަހު، ހުރިހާ ފައިނަލް މެޗްތަކަށް ފަހު ބޭއްވުނު ކުޑަ ރަސްމިއްޔާތެއްގައެވެ.
