އެމް.އެން.ޔޫ ބިޒްނަސް ސްކޫލްގެ ގޮފި ބިޒްނަސް ސްކޫލް ސްޓޫޑެންޓް އެސޯސިއޭޝަން (ބީ.އެސް.އެސް.އޭ) އިން އިންތިޒާމުކުރި މިއަހަރުގެ ދެވަނަ މޫވީ ނައިޓްވެސް ކާމިޔާބުކަމާއެކު ނިންމާލައިފިއެވެ.
އޮގަސްޓު 20 ވީ ހުކުރު ދުވަހުގެ ރޭ 20:00 ގައި ބީ.އެސް އޮޑިޓޯރިއަމްގައި ބޭއްވިގެން ދިޔަ މި މޫވީ ނައިޓްގައި އަޅުވާފައިވަނީ ”ޑެސްޕިކަބަލް މީ“ އެވެ. މި ކާޓޫނަށް އޯޑިއެންސްގެ ފަރާތުން ވަރަށްބޮޑު ތަރުހީބެއް ލިބިފައި ވެއެވެ.
މޫވީ ނައިޓްގެ ޓިކެޓު 15 ރުފިޔާއަށް ވިއްކާފައިވާއިރު އޮންލައިންކޮށް ޓިކެޓު ގަތުމުގެ ފުރުސަތުވެސް އޮތީ ހުޅުވާލާފައެވެ. އެގޮތުން މި މޫވީ ނައިޓަށް 63 ކުދިން އައިސްފައިވެ އެވެ.
މޫވީ ނައިޓްގައި ކެންޓީނުގެ ޚިދުމަތް ވަނީ ފޯރުކޮށްދީފައެވެ. އެގޮތުން ފެނާއި، މޮހިޓޯ. ގްރިލްޑް ސޮސެޖު އަދި ޕޮޕް ކޯނާއި ކެރެމަލް ޕޮޕްކޯނުގެ އިތުރުން ބިސްކޯދު ފަޖް ވަނީ ވިއްކާފައެވެ. މިފަހަރުގެ ކެންޓީނަށް ބޮޑު ތަރުހީބެއް ލިބިފައިވާކަން ފާހގަކޮށްލެވެއެވެ. އެގޮތުން މޫވީ ފެށުމުގެ މާގިނައިރު ތަކެއް ނުވެ ހުރިހާ އެއްޗެއް ވެސް ވަނީ ވިކި ހުސްވެފައެވެ..
މި ހަރަކާތުގެ މައިގަނޑު މަގްސަދަކީ ދަރިވަރުންނަށް އެކުވެރިންނާއެކު ވަގުތުކޮޅެއް ހޭދަ ކޮށްލުމުގެ ފުރުސަތު ފަހިކޮށްދިނުމުގެ އިތުރުން ކޮލެޖަކީ ހަމަ އެކަނި ކިޔަވަން އަންނަ ތަނެއް ނޫންކަމާއި ތަފާތު އެތަށް ތަޖުރިބާއެއް ކުރުމުގެ މަގު ފަހިކޮށްދޭ ތަނެއްކަން ކުދިންނަށް އިހްސާސްކޮށްދިނުމެވެ. އަދި ހަމައެހެންމެ ބީއެސްއެސްއޭއިން ކުރިޔަށް ރާވާފައި ހުރި ހަރަކާތްތަކަށް ބަޖެޓު ހޯދުންވެސް ހިމެނެއެވެ.
ކުރިއަށް އޮތްތަނުގައި ވެސް ބީއެސްއެސްއޭއިން ތަފާތު އެތަށް ހަރަކާތްތަކެއް ވަނީ ރާވާފަ އެވެ. ބީ.އެސް.އެސް.އޭގެ ހަރަކާތްތައް ކާމިޔާބު ކަމާއެކު ކުރިއަށް ގެންދިޔުމުގައި އިސްވާރުނގެ ފަރާތުން ލިބޭ އެއްބާރުލުމާއި އެހީތެރިކަން ފާހަގަކޮށް ހިންގާކޮމެޓީގެ ފަރާތުން ވަނީ އިސްވާރުންނަށް ޝުކުރުއަދާކޮށްފައެވެ..
