2018 ވަނަ އަހަރުގެ ”ކުލަވަރު“ ރޭޑިޔޯ ޑްރާމާ މުބާރާތުގައި ދިވެހި ރާއްޖޭގެ ޤައުމީ ޔުނިވާސިޓީ ތަމްސީލުކޮއްދެނީ ފެކަލްޓީ އޮފް އެޑިއުކޭޝަންގެ ދަރިވަރުންގެ ޖަމިއްޔާ (ފެސާ) އިން އިސްނަގައިގެންނެވެ. މި މުބާރާތަކީ ކޮންމެ އަހަރަކުވެސް ރަމަޟާން މަހު ދިވެހިރާއްޖޭގެ އަޑުން ކުރިޔައް ގެންދާ މުބާރާތެކެވެ. ހަމަ އެފަދައިން މިދިޔަ އަހަރުގެ ރޭޑިޔޯ ޑްރާމާ މުބާރާތުގައިވެސްދިވެހި ރާއްޖޭގެ ގައުމީ ޔުނިވަރސިޓީ ތަމްސީލު ކޮށްދެއްވާފައިވަނީ ފެކަލްޓީ އޮފް އެޑިއުކޭޝަން ސްޓޫޑެންޓް އެސޯސިއޭޝަން (ފެސާ) އިން އިސްނަގައިގެން ފެކަލްޓީ އޮފްއެޑިއުކޭޝަންގެ ދަރިވަރުންނެވެ.
މި އަހަރުގެ ޑްރާމާ މުބާރާތުގައި ބައިވެރިވުމުގެ ފުރުސަތު ޔުނިވާރސިޓީގެ ހުރިހާ ފެކަލްޓީތަކުގެ ދަރިވަރުންނަށް ހުޅުވާލެވިގެން ދިޔައިރު، ޑުރާމާއަށް ކުދިން ހޮވައިފައިވަނީ ޑްރާމާއަށް ޝައުޤުވެރިކަން ފާޅުކުރި ދަރިވަރުންގެ މެދުގައި ބޭއްވުނު އޮޑިޝަން އަކަށްފަހުގައެވެ.
މި މުބާރާތުގައި ދަރިވަރުންގެ ހުރި ހުނަރު އިތުރަށް ތަރައްޤީކޮށްދީ އެހީތެރިކަން ފޯރުކޮށްދީފައިވަނީ ފެކަލްޓީ އޮފް އެޑިއުކޭޝަން ގެ ދިވެހި ލެކްޗަރާރ އާދަމް ޒާހިރުއެވެ. މި ޑްރާމާގެ ވާހަކަ ލިޔުއްވާފައިވަނީ ސެންޓަރ ފޯރ ފައުންޑޭޝަން ސްޓަޑީޒްގެ ދަރިވަރު ފާޠިމަތު ޒަހުރާއެވެ. ޑްރާމާގެ ބައިވެރިވެފައިވަނީ:
- އިބްރާޙީމް ޢުމަރު (ފެކަލްޓީ އޮފް އެޑިއުކޭޝަން)
- އަރުޝަމް މުޙައްމަދު (ފެކަލްޓީ އޮފް އެޑިއުކޭޝަން)
- ޢަބްދުﷲ ޝަފީޢު ހަސަން (ފެކަލްޓީ އޮފް އެޑިއުކޭޝަން)
- އަޙްމަދު ޙަމްދޫން ( ފެކަލްޓީ އޮފް ލޯ އެންޑް އިސްލާމިކް ސްޓަޑީސް)
- ޝަޖަން އަޙުމަދު ( ސެންޓާފޯރ ފައުންޑޭޝަން ސްޓަޑީޒް )
- މަރިޔަމް ފިރާޝާ (ފެކަލްޓީ އޮފް އެޑިއުކޭޝަން)
- އާމިނަތު މައީޝާ (ފެކަލްޓީ އޮފް އެޑިއުކޭޝަން)
- އާމިނަތު ހަމީޒާ (ފެކަލްޓީ އޮފް އެޑިއުކޭޝަން)
- އާމިނަތު ހަނީފާ (ފެކަލްޓީ އޮފް އެޑިއުކޭޝަން)
ކޮލެޖް ޔުނިވަރސިޓީ ތަކާއި އެކިއެކި މުއައްސަސާ ތަކަށް ހުޅުވާލައިގެން ކޮންމެ އަހަރަކު ވެސް ކުރިޔަށް ގެންދާ މި މުބާރާތުގައި ޔުނިވަރސިޓީގެ ދަރިވަރުން، އެމް.އެން.ޔޫ. އެސް.ޔޫ ގެ ފުރިހަމަ އެއްބާރުލުމާއި އެކު ބައިވެރިވާ މިއީ ދެވަނަ ފަހަރެވެ.
