ބައިނަލް އަގުވާމީ ގޮތުން ފާހަގަ ކުރާ ދުނިޔޭގެ އޯޓިޒަމް ދުވަސް ނުވަތަ ސިކުނޑީގައި ހުންނަ ނުކުޅެދުންތެރިކަމުގެ ދުވަސް ކޮންމެ އަހަރެއްގައިވެސް ފާހަގަ ކުރެވިގެންދަނީ 2 އޭޕްރީލް ގައެވެ. މިދުވަހަކީ ދުނިޔޭގެ ސިއްހަތު ޖަމިއްޔާއިންވެސް ކުލަގަދަ ކޮށް ފާހަގަ ކުރަމުން އަންނަ ދުވަހެކެވެ. ބައިނަލް އަގުވާމީ ގޮތުން ފާހަގަ ކުރާ އޯޓިޒަމް ދުވަސް ފާހަގަ ކުރުމައްޓަކައި ފެކަލްޓީ އޮފް އެޑިއުކޭޝަންގައިވެސް ވަނީ ކުލަގަދަ ހަރަކާތް ތަކެއް ކުރިޔައް ގެންގޮސްފައެވެ.
މި ދުވަސް ފާހަގަ ކުރުމުގެ ގޮތުން ދިވެހި ރާއްޖޭގެ ގައުމީ ޔުނިވާރސިޓީގެ ހުރިހާ ފެކަލްޓީ އެއްގެ ދަރިވަރުންނާއި ލެކްޗަރާއިންނަށްވަނީ ކުރެހުމުގެ މުބާރާތެއް ވަނީ ކުރިއަށް ގެންގޮސްފައެވެ. އޯޓިޒަމް އަކީ ކޮބައިކަން ދޭހަވާ ގޮތަށް ކުރެހުންތަށް ހުށެހެޅުމަށް ހުޅުވާލެވިފައިވަނީ 2 އޭޕްރީލް ހެދުނު 10:00 އަކުން ރޭގަނޑު19:00 އަށެވެ.ގިނަ ދަރިވަރުންތަކެއްގެ ތަރުހީބު ލިބިގެން ދިޔަ މި މުބާރާތުގައި ވަރަށް ގިނަ ކުރެހުންތަކެއް ވަނީ ހުށައަޅާފައެވެ.
ތަފާތު ރީތި އެކި ކުރެހުންތަކުގެ ތެރެއިން، އެންމެ ޗާލު، އުފެއްދުންތެރި ކުރެހުން ހޮވުމަށް އިންސާފު ކޮއްދެއްވައިފައިވަނީ ފެކަލްޓީ އޮފް އެޑުކޭޝަންގެ އާރޓް ލެކްޗާރ އާއިޝަތު ހުދާ އެވެ. އެންމެ ޗާލު ކުރެހުން ކުރަހާދީފައިވަނީ ފެކަލްޓީ އޮފް އެޑިއުކޭޝަންގެ ދަރިވަރު އިއްޒާ ތައުފީގު އެވެ.
އެންމެ އުފެއްދުންތެރި ކުރެހުން ވަނީ ހުރިހާ ދަރިވަރުންނަށް ފެންނާނެހެން ފެކަލްޓީ އޮފް އެޑިއުކޭޝަންގެ ވޯލްގައި ހަރުކުރެވިފައެވެ. އޯޓިޒަމް ދުވަހާ ގުޅުވައިލައިގެން މިއަހަރަށް ކަނޑައަޅާފައިވާ ޝިއާރަކީ “ އޯޓިޒަމް ހުންނަ އަންހެނުންނާއި އަންހެން ކުދިން ބާރުވެރިކުރުވުން “ އެވެ.
