2018 ވަނަ އަހަރުގެ ފެބްރުވަރީ މަހުގެ 21 ވީ ބުދަ ދުވަހުގެރޭ 20:15 ގައި ފައުންޑޭޝަން ސްޓަޑީޒް އޮޑިޓޯރިއަމް ގައި ”މޫވީ ނައިޓް“ އެއް ފެސާ އިން ވަނީ ކުރިއަށް ގެންގޮސްފައެވެ. މިއީ ފެސާ އިން 2018 ވަނަ އަހަރު ހިންގުމަށް ރާވާފައި ހުރި ހަރަކާތް ތަކުގެ ތެރެއިން ކޮންމެ އަހަރަކުވެސް އެންމެ ބޮޑު ތަރުހީބެއް ލިބިގެންދާ އެއް ހަރަކާތެވެ. އަދި މިއީ މިއަހަރު ފެސާ އިން ހިންގި އެންމެ ފުރަތަމަ ހަރަކާތެވެ.
ފެކަލްޓީތަކަށް ހުޅުވާލައިގެން ކުރިޔަށް ގެންދިޔަ މި ހަރަކާތުގެ މައިގަނޑު މަގްސަދަކީ ،22 ފެބްރުވަރީ 2018 ވަނަ ދުވަހުގެ ރޭ ފެށުމައް ހަމަޖެހިފައިވާ އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީ މުބާރާތުގައި ވާދަ ކުރާ ފެކަލްޓީ އޮފް އެޑިއުކޭޝަން ގެ ޓީމަށް އެހީތެރިކަމެއް ފޯރުކޮށްދިނުމުގެ ގޮތުން ”ފަންޑްރެއިޒް“ ކުރުމެވެ. މިފަހަރުގެ ”މޫވީ ނައިޓް“ ގައި ދައްކާލާފައި ވަނީ ގިނަ ބައެއްގެ ތަރުހީބު ލިބިފައިވާ ހޮލީވުޑްގެ މަޝްހޫރު ފިލްމެއް ކަމަށްވާ ”ތޯރް ރަގްނަރޮކް“ އެވެ.
ކުޑަ ވަގުތުކޮޅެއްގެ ތެރޭގައި ރޭވިގެން ދިޔަ މި ހަރަކާތަށް ވަނީ އެކި ފެކަލްޓީ ތަކުގެ ދަރިވަރުންގެ ބޮޑު ތަރުހީބެއް ލިބި ވަރަށް ކާމިޔާބު ކަމާއި އެކު ނިންމާލާފައެވެ.
