ދިވެހިރާއްޖޭގެ ގައުމީ ޔުނިވާސިޓީގެ ފެކަލްޓީ އޮފް އެޑިއުކޭޝަންގައި ހިންގާ ދަރިވަރުންގެ ޔޫނިއަންގެ ގޮފި، ފެކަލްޓީ އޮފް އެޑިއުކޭޝަން ސްޓޫޑެންޓްސް އެސޯސިއޭޝަން (ފެސާ)ގެ 7 ވަނަ ދައުރުގެ ފުރަތަމަ ބައްދަލުވުން ބާއްވައިފިއެވެ.
މި ބައްދަލުވުން ބާއްވާފައިވަނީ 20 އޭޕްރީލްވީ ދުވަހުގެރޭ 21:00 ގައި ފެކަލްޓީ އޮފް އެޑިއުކޭޝަން ހިންގާ އަމީނީ ބިލްޑިންގގެ މީޓިންގ ރޫމްގައެވެ،
މި ބައްދަލުވުމުގައި ފެސާގެ 2019 ވަނަ އަހަރުގެ ހިންގާ ކޮމެޓީގެ ހުރިހާ މެމްބަރުންވެސް ވަނީ ބައިވެރިވެފައެވެ.
7 ވަނަ ދައުރުގެ ފުރަތަމަ ބައްދަލުވުމުގައި 2019 ވަނަ އަހަރަށް ރޭވިފައިހުރި ކަންކަމާމެދު މަޝްވަރާ ކޮށްފައިވެއެވެ. ހާއްސަ ގޮތެއްގައި ކުރިއަށް އޮތް އެމްއެންޔޫއެސްޔޫ އިންޓަރ ފެކަލްޓީ ވޮލީ މުބާރާތާ ބެހޭގޮތުން ވަނީ މަޝްވަރާ ކޮށްފައެވެ.
ގާތްގަނޑަކަށް ގަޑިއެއްހާއިރަށް ދެމިގެންދިޔަ މިބައްދަލުވުމުގައި ގިނަ ކަންތައްތަކާމެދު މަޝްވަރާ ކޮށްފައިވާއިރު ފެސާގެ އަމާޒަކީ މިއަހަރުވެސް ގިނަ ހަރަކާތްތަކެއް ހިންގުމެވެ.
ލިޔުނީ: އިބްރާހީމް
އުމަރު ނަޞީރު،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
