އޯޓިޒަމްއާ ގުޅޭގޮތުން ހޭލުންތެރިކަން އިތުރު ކުރުމަށް އޭޕްރީލްމަހު ފާހަގަކުރާ ”އޯޓިޒަމް އެވެއަރނެސް މަންތް“ ފާޙަގަ ކުރުމަށް ފެކަލްޓީ އޮފް އެޑިއުކޭޝަން ސްޓޫޑެންޓްސް އެސޯސިއޭޝަން (ފެސާ)އިން އިސްނަގައިގެން ބޭއްވި ކުރެހުމުގެ މުބާރަތުގެ އެއްވަނަ ފެކަލްޓީ އޮފް އެޑިއުކޭޝަންގެ ދަރިވަރު، ޝިހުފާ ވަޖީހު ހޯދައިފިއެވެ.
އޭޕްރީލްމަހުގެ 3އިން 11އަށް ހުޅުވާލި ކުރެހުމުގެ މުބާރަތުން އެއްވަނައަށްދިޔަ ޝިހުފާއަށް އިނާމު ހަވާލުކޮށްދެއްވީ ފެސާގެ ނައިބު ރައީސް (އަމަލީ) އާކިފާ ރަޝީދުއެވެ.
އެއްވަނައަށްދާ ފަރާތަކަށް 500 ރުފިޔާގެ އިނާމެއް ކަނޑައަޅައި، ހުޅުވާލި މިމުބާރާތުގައި ބައިވެރިވުމުގެ ފުރުސަތު މާލޭގައި ހިންގާ ހުރިހާ ފެކަލްޓީތަކަށްވަނީ ދީފައެވެ.
ފެސާއިން އިސްނަގައިގެން މިދިޔަ އަހަރުވެސް ”އޯޓިޒަމް އެވެއަރނެސް“ ކުރެހުމުގެ މުބާރާތް ބޭއްވިއެވެ. ނަމަވެސް އެފަހަރު މުބާރާތް ހުޅުވާލީ ހަމައެކަނި ފެކަލްޓީ އޮފް އެޑިއުކޭޝަންގެ ދަރިވަރުންނަށެވެ.
ލިޔުނީ: އިބްރާހީމް ޢުމަރު ނަޞީރު،
މީޑިއާ ކޯޑިނޭޓަރ، ފެސާ، އެމް.އެން.ޔޫ.އެސް.ޔޫ
