1440 ވަނަ އަހަރުގެ ރަމަޟާންމަހާ ދިމާކޮށް ފެކަލްޓީ އޮފް އެޑިއުކޭޝަން ސްޓޫޑެންޓްސް އެސޯސިއޭޝަން (ފެސާ)ގެ ސޯޝަލް މީޑިއާ ޕްލެޓްފޯމްތަކުން ތަފާތު ހަރަކާތްތައް ހިންގަން ނިންމައިފިއެވެ. އެގޮތުން ފެސާގެ ފޭސްބުކް ޕޭޖުން ”ފެސާ ބަދިގެ“ގެ ނަމުގައި ހާއްސަ ސެގްމެންޓްތަކެއް ގެނެސްދޭނެއެވެ.
ރަމަޟާންމަހުގެ ކޮންމެ ދުވަހަކުވެސް ގެނެސްދޭ މި ސެގްމެންޓްތަކުގެ ތެރޭގައި ހިމެނެނީ ދުވަހުގެ ރެސިޕީއާއި ބަދިގެތެރޭގެ ޓިޕްސްތަކާއި ކެއްކުމުގެ ޓިޕްސްތަކެވެ. އެގޮތުން ކޮންމެ ދުވަހަކުވެސް ތަފާތު ރެސިޕީތަކާއި ޓިޕްސްތައް ފޭސްބުކް ޕޭޖު މެދުވެރިކޮށް ގެނެސްދެވޭނެއެވެ.
މީގެ އިތުރުން ފެސާއިންވަނީ އިންސްޓަގްރާމް މެދުވެރިކޮށް ”ސުފުރާމަތި“ގެ ނަމުގައި ފޮޓޯ ފޮނުވުމުގެ މުބާރާތެެއް ވެސް ފަށާފައެވެ. ކޮންމެ ދުވަހަކުވެސް ރޯދަ ވީއްލުމަށް ތައްޔާރުކުރާ ސުފުރާގެ ފޮޓޯއެއް އިންސްޓަގްރާމަށް ޕޯސްޓްކޮށް ފެސާގެ އެކްއުންޓަށް ޓެގު ކުރުމުން މުބާރާތުގަ ބައިވެރި ވެވުނީއެވެ. މި މުބާރާތުގެ އެއްވަނައަށްދާ ފަރާތަކަށް އަގުހުރި އިނާމެއްވެސް ފެސާއިން ވަނީ ކަނޑައަޅާފައެވެ.
ފެސާ ބަދިގޭގެ އިތުރުން ކޮންމެ ދުވަހަކުވެސް ދުވަހުގެ ނަސޭހަތުގެ ނަމުގައި ދީނީ
ޕޯސްޓެއް ވެސް ފެސާއިން ގެނެސްދޭނެއެވެ. އަދި ސިލްސިލާ ދަރުސްތަކެއް ބޭއްވުމަށް
ވެސް ފެސާއިން އަންނަނީ ތައްޔާރު ވަމުންނެވެ.
ލިޔުނީ: އިބްރާހީމް ޢުމަރު ނަޞީރު،
މީޑިއާ ކޯޑިނޭޓަރ، ފެސާ، އެމް.އެން.ޔޫ.އެސް.ޔޫ
