ފެކަލްޓީ އޮފް އެޑިއުކޭޝަން ސްޓޫޑެންޓްސް އެސޯސިއޭޝަން (ފެސާ)އާއި ބިޒްނަސް ސްކޫލް ސްޓޫޑެންޓްސް އެސޯސިއޭޝަން (ބީއެސްއެސްއޭ) ގުޅިގެނ ބޮޑު ތަރާވީހެއް ބާއްވައިފިއެވެ.
ފެކަލްޓީ އޮފް އެޑިއުކޭޝަންގެ ގޯތިތެރޭގައި 28 މެއި ވަނަ ދުވަހު ބޭއްވި ބޮޑު މާހެފުން ޝަރަފުވެރިކޮށްދެއްވީ ދިވެހިރާއްޖޭގެ ގައުމީ ޔުނިވަރސިޓީގެ ޑީން އޮފް ސްޓޫޑެންޓްސް، ނާދިޔާ އަހްމަދެވެ. މީގެ އިތުރުން ފެކަލްޓީ އޮފް އެޑިއުކޭޝަންއާއި އެމްއެންޔޫ ބިޒްނަސް ސްކޫލްގެ ޑީނުންގެ އިތުރުން އެމްއެންޔޫއެސްޔޫގެ އެކްސްކޯ މެމްބަރުނާއި އެމްއެންޔޫ ކައުންސިލް މެމްބަރުންނާއި ގޮފިތަކުގެ އެކްސްކޯ މެމްބަރުން ވެސް މި ހަފްލާގައި ބައިވެރިވިއެވެ.
މި ހަފްލާގައި ވާހަކަފުޅު ދައްކަވަމުން ޝަރަފުވެރި މެހެމާނު، ނާދިޔާ އަހްމަދު ވިދާޅުވީ ދެ ފެކަލްޓީ ގުޅިގެން ބާއްވާ މިފަދަ ހަރަކާތްތަކަކީ ނުހަނު އުފާވެރި ހަފްލާތަކެއް ކަމަށާއި ކުރިއަށްއތް ތަނުގައި ވެސް ފެކަލްޓީތައް ގުޅިގެން ހަރަކާތްތައް ބާއްވާނެ ކަމަށް އުންމީދު ކުރައްވާ ކަމަށެވެ. ސްޓޫޑެންޓް ޔޫނިއަންގެ ރައީސް އަރުޝަދު އަޝްރަފް ވަނީ ބައިވެރިވި ކުދިންގެ އަދަދު މަދުކަން ފާހަގަ ކުރައްވައި އެކަން ހައްލު ކުރަން ޖެހޭ ކަމަށް ވިދާޅވެފައެވެ.
އެފްއީއާއި ބިޒްނަސް ސްކޫލްގެ އެކި ބެޗްތަކުން އެކި ބާވަތްތަކުގެ ކެއުން ތައްޔާރުކުރި މި ހަފްލާގައި ދެ ފެކަލްޓީ ގުޅިގެން ވަނީ މަދަހައެއްވެސް ހުށަހަޅައިދީފައެވެ. އަދި ފެސާއަށް އެކިގޮތްގޮތުން އެހީތެރިކަން ފޯރުކޮށްދޭ ފަރާތްތަކަށް ވަނީ ހަނދާނީ ލިޔުން ހަވާލުކޮށްފައެވެ. ހަނދާނީ ލިޔުން ހަވާލުކޮށްދެއްވީ އެފްއީގެ ޑީން، މަރިޔަމް ފިޒާނާ ރަޝީދުއެވެ.
1439 ވަނަ އަހަރު ފެސާއާއި ބީއެސްއޭ ގުޅިގެން ބޭއްވީ ބޮޑު މާހެފުމެކެވެ.
