ދިވެހިރާއްޖޭގެ ގައުމީ ޔުނިވަރސިޓީން މިއަހަރު ބާއްވާ އިންޓަރ ފެކަލްޓީ ބަހުސް މުބާރާތުގައި ފެކަލްޓީ އޮފް އެޑިއުކޭޝަނުން ދެ ޓީމު ނެރެން ނިންމައި، ފެކަލްޓީ އޮފް އެޑިއުކޭޝަން ސްޓޫޑެންޓްސް އެސޯސިއޭޝަން (ފެސާ) އިން ބަހުސް މުބާރާތުގެ ތައްޔާރީތައް ފަށައިފިއެވެ.
21 އޮގަސްޓުގައި ދެ ޓީމުންވެސް ތައްޔާރީތައް ފަށާފައިވާއިރު ފެސާގެ ފުރަތަމަ ޓީމު ބަހުސް ކުރާނީ ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީސް (އެފްއެޗްޓީއެސް)ގެ ޓީމާއެކުއެވެ. ފުރަތަމަ ޓީމު ބަހުސް ކުރަން ހަމަޖެހިފައިވާ މައުޟޫއަކީ ލާމަރުކަޒީ ނިޒާމަށް ރައްޔިތުންން އަހުލުވެރިކަމަށް ބުނެ މައުޟޫއާ އެއްކޮޅަށެވެ. މި ބަހުސް އޮންނާނީ އޮގަސްޓު 26 ވަނަ ދުވަހުގެ ރޭގަނޑު 21:15ގައިއެވެ.
ފެކަލްޓީ އޮފް އެޑިއުކޭޝަންގެ ދެވަނަ ޓީމު ބަހުސް ކުރާނީ ފެކަލްޓީ އޮފް އާރޓްސްގެ އޭ ޓީމާއެވެ. މި ބަހުސްގެ މައުޟޫއަކީ ތަރައްގީ ވެވޭނީ ތިމާވެށި ހިމާޔަތް ކޮށްގެންނެވެ. ފެކަލްޓީ އޮފް އެޑިއުކޭޝަނުން ވަކާލާތު ކުރާނީ މައުޟޫއާ ދެކޮޅަށެވެ. މި ބަހުސް އޮންނާނީ 28 އޮގަސްޓުގެ 14:30ގައިއެވެ.
ފެކަލްޓީ އޮފް އެޑިއުކޭޝަނަކީ 2017 ވަނަ އަހަރާއި 2018 ވަނަ އަހަރު ބޭއްވުނު ބަހުސް މުބާރާތުގެ ދެވަނައަށްދިޔަ ޓީމެވެ. ނޮކްއައުޓް އުސޫލުން މިފަހަރު ބާއްވާ ބަހުސް މުބާރާތް އޮންނާނީ އޮގްސްޓު 26 އިން 31 އަށެވެ.
